Кіраўнік ЕАК: у Еўрапейскіх гульнях 2023 года ўдзел спартсменаў з Беларусі і РФ немагчымы

16 кастрычніка, BPN. Беларускія і расійскія спартоўцы не змогуць удзельнічаць у Еўрапейскіх гульнях 2023 года, якія пройдуць у польскіх гарадах, заявіў падчас наведвання Кракава на гэтым тыдні прэзідэнт аб’яднання Еўрапейскіх алімпійскіх камітэтаў (ЕАК) Спірас Капралас.

“Улічваючы цяперашнія ўмовы, немагчыма ўдзел спартсменаў з Расіі і Беларусі ў мерапрыемствах наступнага года”, — цытуе яго Dziennik Polski.

Паводле яго слоў, у спаборніцтвах прымуць удзел атлеты з 48 краін.

Трэція Еўрапейскія гульні пройдуць у Кракаве і Малапольскім ваяводстве з 21 чэрвеня да 2 ліпеня. Частка спаборніцтваў запланавана ў Вроцлаве і іншых гарадах Сілезскага ваяводства.

Другія Еўрапейскія гульні прайшлі ў 2019 годзе ў Мінску.

28 лютага, праз чатыры дні пасля поўнамаштабнага ўварвання расейскай арміі на тэрыторыю Украіны, Міжнародны алімпійскі камітэт заклікаў міжнародныя спартыўныя федэрацыі не дапускаць да спаборніцтваў атлетаў з Расіі і Беларусі. Гэтая рэкамендацыя была масава прынятая да выканання.

10 жніўня прэзідэнт МАК Томас Бах заявіў, што час, калі атлетаў з Беларусі і Расіі зноў можна масава дапусціць да сусветнага спорту, “яшчэ не прыйшоў”.