У ДТЗ загінуў бронзавы прызёр чэмпіянату свету па фрыстайле Максім Гусцік

9 снежня, Позірк. У ноч на 9 снежня ў выніку наезду аўтамабіля загінуў вядомы ў мінулым беларускі фрыстайліст Максім Гусцік, паведамляе Нацыянальны алімпійскі камітэт.

ДТЗ адбылося а 1.30 у Мінску, на праспекце Пушкіна каля станцыі метро “Пушкінская”. 35-гадовага Гусціка збіў аўтамабіль “Шкода” з брэсцкімі нумарамі пад кіраваннем 33-гадовага кіроўцы, які рухаўся ў бок вуліцы Матусевіча, вынікае з паведамлення і фотаздымкаў упраўлення ДАІ ГУУС Менгарвыканкама.

У 2015 годзе Гусцік заваяваў бронзавы медаль на чэмпіянаце свету па лыжнай акрабатыцы. Удзельнічаў у Алімпійскіх гульнях 2018 года ў Паўднёвай Карэі. Пасля завяршэння кар’еры перайшоў на трэнерскую працу.