Пуцін ухваліў перанос на шэсць гадоў пачатку выплатаў беларускага доўгу па расійскіх дзяржкрэдытах

12 снежня, Позірк. Прэзідэнт Расіі Уладзімір Пуцін 12 снежня падпісаў закон аб ратыфікацыі міжурадавага пагаднення з Беларуссю “аб змяненні ўмоў асобных расійска-беларускіх міжурадавых пагадненняў”.

Згаданае пагадненне было падпісана ў Маскве 21 красавіка 2023 года і часова прымяняецца з наступнага пасля падпісання дня.

Паводле інфармацыі статс-сакратара — намесніка міністра фінансаў Расіі Аляксея Сазанава, у дакуменце, у прыватнасці, прадугледжваецца перанос плацяжоў у лік пагашэння асноўнага доўгу па выдадзеных Беларусі дзяржаўных крэдытах, якія павінны быць ажыццёўлены з 16 красавіка 2023 года па 31 снежня 2023 года ўключна, на перыяд з 2029 па 2034 год.