16 кастрычніка, Позірк. “Вельмі сур’ёзна прапрацоўваецца” магчымасць арганізацыі прамога рэйса паміж Каракасам і Мінскам пры ўдзеле венесуэльскай авіякампаніі Conviasa, паведаміў журналістам 16 кастрычніка ў Мінску міністр замежных спраў Беларусі Сяргей Алейнік па выніках сустрэчы са сваім венесуэльскім калегам Іванам Хілем Пінтам.
Паводле слоў Алейніка, якія прыводзіць прэс-служба знешнепалітычнага ведамства, пагадненне аб паветраных зносінах плануецца абмеркаваць на пасяджэнні сумеснай камісіі па гандлёва-эканамічным супрацоўніцтве 28–29 лістапада ў Мінску.
Кіраўнік беларускага МЗС паведаміў, што на пасяджэнні таксама будуць разгледжаныя пытанні аб аднаўленні ў Венесуэле зборачнай вытворчасці беларускай трактарнай і аўтамабільнай тэхнікі, прамых паставак сельгастэхнікі, экспарту айчынных харчовых тавараў.
Цяпер, канстатаваў Алейнік, назіраецца “пэўны спад у двухбаковым эканамічным узаемадзеянні, звязаны з наступствамі санкцыйных абмежаванняў”, аднак бакі “вельмі сур’ёзна настроеныя на знаходжанне ўзаемапрымальных і ўзаемавыгадных рашэнняў, якія дадуць магчымасць аднавіць рэалізацыю важных праектаў у сферах прамысловасці, сельскай гаспадаркі і харчавання”.
Згодна з інфармацыяй беларускай амбасады ў Венесуэле, паводле вынікаў 2021 года беларускі экспарт у гэтую краіну склаў 1,93 млн долараў, імпарт — 105 тыс.
Гл. таксама:
Аўтарызавацца
Забыліся пароль?
Выхад з профілю
