Дзяржбюджэт на 2023 год будзе выкананы без дэфіцыту — Мінфін

28 снежня, Позірк. Бюджэт Беларусі на 2023 год будзе выкананы без дэфіцыту, паведаміў 27 снежня міністр фінансаў Юрый Селіверстаў у эфіры тэлеканала “Беларусь 1”.

Паводле яго слоў, Мінфін прыняў шэраг мер, каб эканоміка магла “адаптавацца да санкцыйнага ціску, які быў беспрэцэдэнтным, і гатовых рэцэптаў, як жа з ім змагацца, не было”.

Сярод іншага Селіверстаў згадаў прыняцце шэрагу нарматыўных актаў, змяненне ўмоў экспартнай падтрымкі імпарцёраў і страхавання фінансавых рызык.

5 лістапада кіраўнік Мінфіна заявіў у праграме “Галоўны эфір” на тэлеканале “Беларусь 1”, што дзяржбюджэт на 2024 год запланаваны з дэфіцытам 1,9% ППВ (каля 5 млрд рублёў). Паводле яго слоў, гэта абумоўлена ў тым ліку прыцягненнем звязанага фінансавання на розныя праекты.