Беларусь заняла другое месца на тэрыторыі былога СССР па росце курсу долара ЗША у снежні і за ўвесь 2023 год

1 студзеня, Позірк. На 16,12% (з 2,7364 да 3,1775 рубля) вырас афіцыйны курс долара ЗША ў Беларусі за 2023 год. Гэта другі паказчык на тэрыторыі былога СССР, сведчыць праведзены “Позіркам” параўнальны аналіз каціровак цэнтрабанкаў на 31 снежня 2022 года і 31 снежня 2023-га.

На першым месцы Расія — 27,51% (з 70,3375 да 89,6883 рубля).

У снежні курс амерыканскай валюты ў Беларусі вырас на 2,02% — другое месца пасля Украіны (+4,42%).

У суседняй з Беларуссю Польшчы курс долара знізіўся за год на 10,60% (з 4,4018 да 3,9350 злотага).

Па выніках 2022 года Беларусь заняла трэцяе месца на тэрыторыі былога СССР па росце афіцыйнага курсу долара (+7,39%), у 2021 годзе — чацвёртае месца сярод краін, дзе долар патаннеў (-1,19%), у 2020-м — першае месца па падаражэнні (+22,59%).

Падрабязнасці даступныя падпісчыкам “Позірк+”