3 студзеня, Позірк. Падстаў для прызнання “пашпарта новай Беларусі” больш чым дастаткова, заявіў 3 студзеня “Позірку” прадстаўнік Аб’яднанага пераходнага кабінета (АПК) па замежных справах Валер Кавалеўскі.
Такім чынам палітык пракаментаваў меркаванне дэпутата Еўрапейскага парламента ад Літвы і пастаяннага дакладчыка па Беларусі Пятраса Аўштравічуса пра тое, што ў справе з праектам, які прасоўваюць беларускія дэмакратычныя сілы, “адсутнічае шмат розных складнікаў, у тым ліку — суверэнітэт і тэрытарыяльнасць гэтага дакумента”.
Кавалеўскі на гэта адказаў, што дэмсілы “прапануюць рашэнне”, якое можа дазволіць “захаваць суб’ектнасць беларускага народа, а гэта акурат і з’яўляецца асновай суверэнітэту”.
“Што тычыцца тэрытарыяльнай прыналежнасці, то маюцца пашпарты Мальтыйскага ордэна, які не валодае сваёй тэрыторыяй, маюцца пашпарты, якія выдаюцца міжнароднымі арганізацыямі. Аднак яны прызнаюцца многімі краінамі, у тым ліку і Літвой”, — звярнуў увагу палітык.
Падрабязнасці даступныя падпісчыкам “Позірк+”
