Праваабаронцам вядома пра не менш за 33 палітвязняў, якіх пераследуюць за “злоснае непадпарадкаванне” адміністрацыі ПК
![](https://pozirk.online/wp-content/uploads/2024/01/Dashkewich_POZ_Archive_1440__DSC3969-копия-1.jpg)
22 студзеня, Позірк. На 15 студзеня 2024 года праваабаронцам вядома пра не менш за 33 палітвязняў, супраць якіх распачатыя справы паводле арт. 411 Крымінальнага кодэкса (злоснае непадпарадкаванне патрабаванням адміністрацыі папраўчай установы, якая выконвае пакаранне ў выглядзе пазбаўлення волі), у дачыненні як мінімум шасцярых гэты артыкул ужываўся двойчы.
Пра гэта 22 студзеня паведаміў у спецыяльнай справаздачы праваабарончы цэнтр “Вясна”.
Пераслед тых, хто адбывае пакаранне па названым артыкуле, праваабаронцы называюць “адным з галоўных страхаў палітвязняў”, бо ў гэтым выпадку па ініцыятыве адміністрацыі папраўчай калоніі або турмы асуджаным “могуць бясконца дадаваць тэрмін”. “Часта гэта робіцца па надуманых прычынах з мэтай дадатковага ціску на зняволенага”, — адзначаюць праваабаронцы.
Паводле арт. 411 КК зняволеных могуць прыгаварыць да пазбаўлення волі тэрмінам да аднаго года, а за “асабліва небяспечны рэцыдыў” — да двух гадоў, нагадвае “Вясна”.
“У гомельскай жаночай калоніі № 4 рапарты [за непадпарадкаванне] складаюць за тое, што “здзейсніла даклад не па ўстаноўленай форме”; “параўноўвала ўмовы ўтрымання з генацыдам”; “спала, седзячы на падлозе, паклаўшы галаву на тумбу для сядзення”; “была няветлівая з супрацоўнікамі папраўчай установы”, “уступіла ў камунікацыю з іншымі асобамі”; “выконвала фізічныя практыкаванні лежачы на падлозе ў забаронены час, зняўшы вопратку”; “расшпіліла пінжак”; “знішчыла ліст, напісаны дачцэ”; “выйшла ў туалет, не папярэдзіўшы”; “пры адкрыцці дзвярэй камеры не ўстала, не павіталася, не прадставілася”; “адмовілася прыбраць рэчы з батарэі”, — гаворыцца ў справаздачы.
У мужчынскіх калоніях, паводле дадзеных праваабаронцаў, падставай для новага пераследу можа стаць “адмова прыбіраць камеру, туалет або лакальны ўчастак атрада”; “адмова выходзіць на шпацыр у 5:30 раніцы”; “сон на падлозе ў ШІЗА каля батарэі”; “знаходжанне каля стадыёна без курткі і ў красоўках”; “размова з іншымі асуджанымі”; “адмова заняць прызначанае яму месца ў жылой секцыі”.
Выкарыстанне арт. 411 КК, на думку праваабаронцаў, супярэчыць пункту 7 артыкула 14 Міжнароднага пакта аб грамадзянскіх і палітычных правах, згодна з якім, “ніхто не павінен быць паўторна асуджаны за адно і тое ж правапарушэнне”.
“У жніўні 2023 года юрысты ПЦ “Вясна” звярнуліся да спецыяльнага дакладчыка па пытанні аб становішчы ў галіне правоў чалавека ў Беларусі з нагоды пераследу зняволеных паводле арт. 411 КК. Юрысты яшчэ раз звярнулі ўвагу, што гэты артыкул трэба выключыць з кодэкса, бо прыцягненне да адказнасці паводле арт. 411 КК парушае права чалавека на асабістую свабоду і права не быць судзімым або пакараным двойчы”, — заяўляецца ў дакладзе.
Паводле арт. 411 КК новаму крымінальнаму пераследу падвергліся вядомыя палітвязні Паліна Шарэнда-Панасюк (двойчы), Сяргей Ціханоўскі, Зміцер Дашкевіч.
9 студзеня арганізацыя былых сілавікоў ByPol паведаміла, што новая крымінальная справа за “злоснае непадпарадкаванне” адміністрацыі калоніі №13 (Глыбокае, Віцебская вобласць) будзе распачатая ў дачыненні да Мікалая Статкевіча.
Гл. таксама:
- Палітыка
Акрамя Арменіі незадаволенасць выказваннямі Лукашэнкі выказаў Казахстан
- Грамадства, ПалітыкаМінулым днём Літва спыніла найбольшую за апошні месяц колькасць спробаў незаконнага пранікнення з БеларусіМатэрыял даступны толькі падпісчыкам ПОЗІРК+
- Палітыка
Кіраўнік армянскай партыі: Беларусь уяўляе пагрозу нацыянальнай бяспецы
- ГрамадстваМастак Кузьміч: Вярнуся ў Францыю і буду пісаць кнігуМатэрыял даступны толькі падпісчыкам ПОЗІРК+
- Ва ўсіх школьных класах штомесяц будзе праходзіць інфармацыйная гадзіна "Генацыд беларускага народа"Матэрыял даступны толькі падпісчыкам ПОЗІРК+
- Палітыка
Часовы павераны ў справах Арменіі выкліканы ў беларускі МЗС у сувязі з акцыяй пратэсту ля амбасады
- Грамадства
Мастак Аляксей Кузьміч выйшаў з СІЗА ў Францыі
- Палітыка
Праваабаронцы прызналі палітвязнямі яшчэ 10 чалавек
- Палітыка
Ціханоўская выступіла з "катэгарычным асуджэннем" абразлівых выказванняў Лукашэнкі пра Арменію
- Палітыка
Беларускую амбасаду ў Арменіі закідалі яйкамі, памідорамі і бульбай
- Грамадства
Два ДТЗ з удзелам пасажырскіх аўтобусаў адбылося ў Беларусі 21 жніўня, ёсць загінуўшыя (абноўлена)
- Долар, еўра і юань падаражэлі на таргах БВФБ 21 жніўняМатэрыял даступны толькі падпісчыкам ПОЗІРК+
- Палітыка
"Экстрэмісцкімі фарміраваннямі" прызнана чатыры супольнасці ў інтэрнэце
- Грамадства, Палітыка
Мінімум 16 палітвязняў выйшлі на волю — "Вясна"
- Палітыка
На фоне памілавання журналісткі Луцкінай "Рэпарцёры без межаў" патрабуюць вызвалення і іншых прадстаўнікоў СМІ
- Эканоміка
У 2025 годзе чакаецца рост заробкаў на фоне дэфіцыту бюджэту і рэфінансавання дзяржаўнай запазычанасці — Мінфін
- Палітыка
Суд па справе Imaguru пачнецца 2 верасня
Дэмсілы Арменіі запатрабавалі ад уладаў разрыву дыпадносін з Беларуссю "да зрынаня дыктатара Лукашэнкі з пасады"(дапоўнена)
- Грамадства
Два ДТЗ з удзелам пасажырскіх аўтобусаў адбылося ў Беларусі 21 жніўня, ёсць загінулыя
- Грамадства
Мінадукацыі ў праграме распрацаванага з БПЦ факультатыва нагадала аб свецкім характары адукацыі
- Палітыка
Дэмсілы Арменіі запатрабавалі ад уладаў разрыву дыпадносін з Беларуссю "да зрынання дыктатара Лукашэнкі з пасады"
- Грамадства
З-за непагадзі парушалася энергазабеспячэнне больш за 130 населеных пунктаў
- ЭканомікаБелстат: Інвестыцыі ў асноўны капітал за сем месяцаў 2024 года выраслі на 22,2%Матэрыял даступны толькі падпісчыкам ПОЗІРК+
- Грамадства, Палітыка
Вызвалены прафсаюзны лідар Васіль Бераснеў
- Грамадства, ПалітыкаХроніка палітычных рэпрэсій за 20 жніўня 2024 годаМатэрыял даступны толькі падпісчыкам ПОЗІРК+
- Палітыка
У АПК абмеркавалі рызыку ўступлення беларускага войска ў вайну супраць Украіны
- Грамадства, Палітыка
Выйшлі на волю палітзняволеныя Ала Зуева і Вольга Стаброўская
- Палітыка
У Савеце Рэспублікі занепакоіліся "магчымымі правакацыямі УСУ" на Курскай і Запарожскай АЭС
- Палітыка
Назіральнікі з Венесуэлы гатовыя працаваць у Беларусі на прэзідэнцкіх выбарах 2025 года — ЦВК
- Эканоміка
Эканоміка дэманструе “прыкметы выхаду на плато”, рост па выніках года можа скласці 4–5% — BEROC