Беларусь у студзені заняла 2-е месца ў ЕАЭС па росце цэн на сельскагапрадукцыю

1 сакавіка, Позірк. У студзені 2024 года ў параўнанні са снежнем 2023-га цэны вытворцаў сельскагаспадарчай прадукцыі ў Еўразійскім эканамічным саюзе (ЕАЭС) знізіліся на 0,3%, а ў гадавым выражэнні (да студзеня 2023-га) выраслі на 6,9%, сведчаць статыстычныя дадзеныя Еўразійскай эканамічнай камісіі.

У першым месяцы 2024-га ў параўнанні са снежнем 2023-га зніжэнне адзначалася ў Арменіі — на 0,7% (да студзеня 2023-га на 6,6%) і Расіі — на 0,6% (+10,5%); рост зафіксаваны ў Кыргызстане — на 1,6% (+0,4%), Беларусі — на 1,4% (-3%) і Казахстане — на 0,2% (-4,8%).

Цэны вытворцаў прадукцыі раслінаводства ў цэлым па ЕАЭС выраслі за месяц на 1,7% (за год не змяніліся): у Беларусі — на 3,8% (+5,4%), Кыргызстане — на 3,3% (+1,9%), Арменіі — на 2% (-7,5%), Расіі — на 1,7% (+3,1%), Казахстане — на 0,1% (-7,4%). Прадукцыя жывёлагадоўлі ў студзені патаннела на 1,3% (за год +10,6%): у Расіі — на 1,8% (+14,8%), Арменіі — на 1,1% (-6,4%), Кыргызстане — на 0,1% (-1%); падаражэла ў Беларусі — на 0,7% (-5,2%), Казахстане — на 0,2% (+2,8%).

Паводле дадзеных Нацыянальнага статыстычнага камітэта, вытворчасць прадукцыі ў гаспадарках усіх катэгорый (сельгасарганізацый, фермерскіх, насельніцтва) у студзені 2024 года ў бягучых цэнах склала 1 млрд 609,7 млн рублёў, што ў супастаўных цэнах на 4,3% больш, чым за першы месяц 2023-га.