Беларусь і РФ дамовіліся хутчэй распрацаваць парадак абмену інфармацыяй пра пагрозы на транспарце

1 сакавіка, Позірк. Беларусь і Расія дамовіліся хутчэй распрацаваць парадак абмену інфармацыяй “кампетэнтнымі органамі дзвюх краін” пра пагрозы “здзяйснення актаў незаконнага ўмяшання ў дзейнасць аб’ектаў транспартнай інфраструктуры”, паведаміла 1 сакавіка прэс-служба Міністэрства транспарту і камунікацый.

Паводле інфармацыі ведамства, дамоўленасць была дасягнутая на пасяджэнні двухбаковай групы ў сферы гарантавання транспартнай бяспекі. Беларускую дэлегацыю ўзначаліў Сяргей Дубіна, расійскую — яго калега Яўген Філіпаў. Сустрэча прайшла з удзелам прадстаўнікоў Транспартнай інспекцыі Мінтранса Беларусі і Федэральнай службы па наглядзе ў сферы транспарту РФ.

Бакі падпісалі сумесны план мерапрыемстваў па рэалізацыі міжурадавага пагаднення аб узаемадзеянні ў галіне забеспячэння транспартнай бяспекі на 2024 год.

Міністэрства транспарту РФ пра сустрэчу на сваіх рэсурсах нічога не паведамляе.

Грамадства Палітыка

Грамадства, Палітыка

Відэаназіранне ў грузавых і пасажырскіх цягніках стане абавязковым

16 лютага, Позірк. Відэаназіранне ў грузавых і пасажырскіх цягніках стане абавязковым, вынікае з пастановы Савета міністраў № 100 ад 14 лютага "Аб патрабаваннях па ажыццяўленні транспартнай бяспекі". Згодна з дакументам, апублікаваным 16 лютага на Нацыянальным прававым інтэрнэт-партале, камеры павінны быць усталяваныя ўнутры …

Чытаць