На працу ў БДУ будуць браць праз спецкамісіі — Турарбекава
2 сакавіка, Позірк. На кожным факультэце Беларускага дзяржаўнага ўніверсітэта створана спецыяльная камісія, якая будзе прымаць рашэнне аб прыёме на працу таго ці іншага суіскальніка, паведаміла былы дацэнт БДУ, кандыдат гістарычных навук Роза Турарбекава са спасылкай на ўласныя крыніцы.
“Калі раней пытанне аб прыёме на працу вырашалася праз умоўны конкурс, абмеркаванне вынікаў працы на пасяджэнні кафедры, далей — навуковым саветам факультэта і універсітэта, то цяпер створана спецыяльная камісія, куды ўваходзяць дэкан, намеснік дэкана па ідэалагічнай і выхаваўчай працы ды інш.”, — напісала яна ў сваім тэлеграм-канале.
Адзначыўшы, што працэдура ацэнкі суіскальнікаў “незразумелая”, Турарбекава канстатавала, што ў ВНУ адбываецца “інстытуцыяналізацыя рэпрэсій”. “Гэтая камісія створана для таго, каб правяраць на прадмет лаяльнасці ўлады. Акрамя таго, гэта ўвасабленне кругавой парукі, даносаў і іншых брыдотаў”, — патлумачыла экс-дацэнт БДУ.
Яна выказала здагадку, што факультэцкія спецкамісіі з’явіліся ў адказ на “паперу ад Следчага камітэта”, у якой на кіраўніцтва ўніверсітэта ўсклалі адказнасць за “тыя 155 чалавек, якія данацілі”, у выніку чаго “БДУ будзе плаціць штраф”.
“Мала таго, што БДУ пад кантролем і кадравая палітыка ў руках рэктара па бяспецы (афіцэра КДБ). Мала ўсякіх наглядчыкаў на кожным факультэце. Мала таго, што загадчыкі кафедры зараз пазбаўленыя ўсякай магчымасці браць на працу адмыслоўцаў. Цяпер стварылі спецыяльную камісію. Што ж мне гэта нагадвае? Сталінскія “тройкі”? Ці мясцовыя партыйныя ячэйкі? Не. Гэта менавіта спецыяльныя камісіі, якіх раней не было ніколі. Гэта вынаходка рэжыму Лукашэнкі. Цяпер кожны дэкан і ўсе члены камісіі будуць несці адказнасць за “экстрэмістаў”, — падсумавала Турарбекава.
Перад выбарамі ў БДУ ідзе новая хваля рэпрэсій супраць выкладчыкаў — палітолаг Турарбекава
13 студзеня, Позірк. У Беларускім дзяржаўным універсітэце ідзе новая хваля рэпрэсій у дачыненні да выкладчыкаў, паведаміла "Позірку", былы выкладчык кафедры міжнародных стасункаў БДУ, кандыдат гістарычных навук, палітолаг Роза Турарбекава. Пра тое, як выглядаюць рэпрэсіі ва ўніверсітэце, эксперту вядома "па 2021 годзе", калі звольнілі …