Паводле даных праваабаронцаў, больш за восем тысяч жанчын падвергліся палітычнаму пераследу ў Беларусі

7 сакавіка, Позірк. Са жніўня 2020 года палітычнаму пераследу ў Беларусі падвергліся больш за восем тысяч жанчын, гаворыцца ў аглядзе праваабарончага цэнтра “Вясна” да Міжнароднага жаночага дня 8 сакавіка.

“Сёння ў Беларусі налічваецца 171 палітвязняў жанчын, якія на дадзены момант утрымліваюцца ў месцах няволі”, — адзначаецца ў справаздачы.

У сувязі з пратэстамі супраць дзейнай улады і вайны ва Украіне з 2020 года ў агульнай складанасці былі асуджаныя мінімум 1. 033 жанчыны, з іх 242 прыгавораны да пазбаўлення волі ў калоніі, 567 — да абмежавання волі, пяць — да арышту, дзве — да прымусовага лячэння.

За гэты час асуджана і вызвалена са зняволення мінімум 321 жанчына.