Попыт на прамысловы турызм вырас на траціну — Мінспорту і турызму

12 сакавіка, Позірк. Пра “вельмі інтэнсіўнае” развіццё прамысловага турызму ў Беларусі заявіў намеснік міністра спорту і турызму Алег Андрэйчык на прэс-канферэнцыі ў Мінску 12 сакавіка.

У гэтай сферы заняты больш як 130 арганізацый і прадпрыемстваў, удакладніў ён, у 2023 годзе іх аб’екты наведалі больш як 200 тыс. мясцовых жыхароў і іншаземцаў, што на траціну больш, чым годам раней.

“Мы ганарымся тым, што нашая краіна захавала той патэнцыял яшчэ з Савецкага Саюза. Мы захавалі ўсе вядучыя брэнды, усе вядучыя вытворчасці, усе вядучыя прадпрыемствы”, — сказаў Андрэйчык.

На думку намесніка міністра, змянілася стаўленне да экскурсій на вытворчасці: калі раней яны насілі прафарыентацыйны характар, то на сёння размова ідзе пра пазнавальную складнік: “Прапануюць прыняць удзел у майстар-класах, убачыць элементы вытворчасці, паўдзельнічаць у вытворчым працэсе, наведаць дэгустацыйныя і дэманстрацыйныя залы”.

Паводле сцвярджэння чыноўніка, у прамысловым турызме “экскурсійны складнік мае вялікае значэнне” — работнікі прадпрыемстваў могуць праводзіць экскурсіі без адпаведнай атэстацыі.

“І ўжо прагрэсіруе трэцяя накіравальная прамысловага турызму — гэта так званы дзелавы турызм. Магу сказаць, што стала больш праводзіцца падзейныя дзелавыя мерапрыемствы”, — падкрэсліў прадстаўнік ведамства.