18 сакавіка, Позірк. Следчае ўпраўленне ўпраўлення Следчага камітэта па Брэсцкай вобласці 15 сакавіка пачало спецыяльную вытворчасць у дачыненні да 11 чалавек, паведамляе прэс-служба СК.
У якасці фігурантаў названы блогер Андрэй Павук, яго былая жонка Вольга Павук, оперная спявачка і актывістка Маргарыта Ляўчук, яе былы муж, актывіст і культурны менеджэр Аляксандр Чахоўскі, Ілья Салянкоў, рок-музыка Уладзіслаў Наважылаў (псеўданім Lasley Knife), Яўген Вільскі, Вадзім Дзмітранок, кіраўніца кампаніі “Наш дом” Вольга Карач, былы чыноўнік Анатоль Котаў і кіраўнік “Беларускага жаночага фонду”, жонка экс-прэтэндэнта ў прэзідэнты Валерыя Цапкала Вераніка Цапкала.
Агулам спецыяльная вытворчасць узбуджана ў адносінах да 88 чалавек. Гэта вытворчасць па крымінальнай справе ў дачыненні да абвінавачанага, які знаходзіцца па-за межамі Беларусі і ўхіляецца ад яўкі ў орган, які вядзе крымінальны працэс. Яно магчыма паводле 34 складаў злачынстваў, якія пераважна адносяцца да катэгорыі цяжкіх і асабліва цяжкіх. Сярод іншага гэта акт тэрарызму, генацыд, наёмніцтва, здрада дзяржаве, дыверсія, стварэнне экстрэмісцкага фарміравання або ўдзел у ім, масавыя беспарадкі, заклікі да санкцый і інш.
