Беларуская касманаўтка Васілеўская вярнулася на Зямлю

6 красавіка, Позірк. Спускальны апарат карабля “Саюз МС-24” з беларускай касманаўткай Марынай Васілеўскай апусціўся на Зямлю 6 красавіка ў 10:18 паводле мінскага часу. Капсула прызямлілася прыкладна за 150 км на паўднёвы ўсход ад горада Жэзказган у Казахстане.

Акрамя Васілеўскай і камандзіра экіпажа Алега Навіцкага (РФ, ураджэнец Беларусі), якія правялі на арбіце 14 сутак (з іх 12 на Міжнароднай касмічнай станцыі), на Зямлю вярнулася амерыканская астранаўтка Лорал О’Хара (204 дні).