Паводле слоў Пазьняка, Лукашэнка павіншаваў яго з 80-годдзем
4 траўня, Позірк. Палітык Зянон Пазьняк заявіў, што з 80-годдзем (24 красавіка) яго павіншаваў Аляксандр Лукашэнка.
“Нядаўна адбылося маё 80-годдзе, — напісаў ён на сваіх старонках у сацсетках (тут і далей захаваны стыль аўтара). — Шчыра дзякую ўсім беларусам, што віншавалі мяне праз электронную пошту, “скайп”, сацыяльныя сеткі “Фэйсбук”. Пастараюся апраўдаць давер. Наперадзе сьветлая вольная Беларусь. Слава Айчыне!”
“Было шмат віншаваньняў ад сяброў, ад беларускіх палітыкаў, у тым ліку ў межах паліткарэктнасьці (што адзначаю) ад маіх палітычных нязгоднікаў за мяжой (П. Латушка) і ад палітычных праціўнікаў з афіцыёзнай Беларусі (А. Лукашэнка)”, — сцвярджае Пазьняк.
У асноўным адпаведны допіс палітыка ўтрымлівае крытыку незалежных медыя і матэрыялаў, якія яны публікавалі ў яго юбілей.
Жывая легенда. Любіце вы Пазьняка ці не, але ён ужо ўвайшоў у гісторыю
Апублікавана на адкрытай версіі "Позірку" 23 красавіка 2024 года ў 18:00 Рэдка які палітык выклікае такі роскід ацэнак, як Зянон Пазьняк, катораму 24 красавіка спаўняецца 80. Адэпты яго абагаўляюць. Іх лозунг "Толькі Зянон!" стаў мемам. Аднак нават у межах дэмакратычнага лагеру …
Зянон Пазьняк: Душа ідзе да вершаў і фатаграфіі, але прыйшлося заняцца палітыкай
У Беларускім доме ў Варшаве праходзіць выстава фота аўтарства Зянона Пазьняка — першая ў яго жыцці. Яна прымеркавана да 80-годдзя дзеяча, якое ён адзначыў 24 красавіка. На адкрыцці ветэран беларускай палітыкі папярэдзіў, што сустрэча, нарэшце, не пра яе, але амаль …
