Перад выхаднымі долар і юань істотна падаражэлі на таргах БВФБ

21 чэрвеня, Позірк. Амерыканская і кітайская валюты істотна падаражэлі на таргах Беларускай валютна-фондавай біржы 21 чэрвеня.

Курс долара вырас да 3,2257 рубля (+0,0493, +1,55%), юань — да 4,4548 рубля за 10 (+0,1257, +2,9%).

Каціроўка еўра вырасла да 3,4482 рубля (+0,032, +0,94%).

Расійскі рубель патаннеў да 3,6459 рубля за 100 (-0,1118, -2,98%).

На адыходзячым працоўным тыдні (17–21 чэрвеня) падаражэлі ўсе асноўныя замежныя валюты: долар — на 0,82% (з 3,1996 да 3,2257), юань — на 1,76% (з 4,3777 да 4,4548 за 10), еўра — на 0,49% (з 3,4314 да 3,4482), расійскі рубель — на 1,71% (з 3,5846 да 3,6459 за 100).

Нацыянальны банк мае намер працягваць рэалізацыю грашова-крэдытнай палітыкі ў рэжыме манетарнага таргетавання, заявіў старшыня праўлення рэгулятара Павел Калаур 20 чэрвеня на сумесным пасяджэнні абедзвюх палат парламента.

“З мэтай забеспячэння ў 2023 годзе ўстойлівага функцыянавання валютнага і дэпазітнага рынкаў Нацбанк прадоўжыў правядзенне курсавой палітыкі ў рэжыме плаваючага курса”, — сказаў ён.

Цяпер рэгулятар ажыццяўляе “пераважна згладжванне кароткатэрміновых ваганняў курсу нацыянальнай валюты”, забяспечваючы “парытэтнае выкананне інтарэсаў розных груп эканамічных агентаў, якія часта супрацьлеглыя”, сказаў старшыня праўлення.

“Абраны рэжым курсавой палітыкі дазваляе праз курсавы канал аператыўна рэагаваць на кан’юнктурныя змены і не дапускаць назапашвання дысбалансаў у эканоміцы”, — лічыць Калаур.

Афіцыйны курс долара ў Беларусі ў студзені знізіўся на 0,01% (з 3,1775 да 3,1771 рубля) — гэта быў шосты паказчык на тэрыторыі былога СССР; у лютым — вырас на 1,95% (да 3,2391) — другое месца пасля Расіі (+2,89%), за два месяцы — на 1,94% (шостае месца); у сакавіку — на 0,33% (да 3,2498) — пятае месца, за тры месяцы — на 2,28% (трэцяе); у красавіку — на 0,14% (3,2542) — шостае месца, за чатыры месяцы — на 2,41%; у траўні знізіўся на 1,48% (3,2059) — трэцяе месца, за пяць месяцаў вырас на 0,89% (восьмае).

За 2023 год каціроўка долара павялічылася на 16,12% (з 2,7364 да 3,1775 рубля). Гэта другі паказчык на постсавецкай прасторы, сведчыць праведзены “Позіркам” параўнальны аналіз каціровак цэнтрабанкаў на 31 снежня 2022 года і 31 снежня 2023-га. На першым месцы Расія — 27,51% (з 70,3375 да 89,6883 рубля).