Чацвёртае пасяджэнне кансультатыўнай групы ЕС і беларускіх дэмсіл запланаванае на снежань — Вячорка

26 чэрвеня, Позірк. Чацвёртае пасяджэнне кансультатыўнай групы Еўрасаюза і беларускіх дэмакратычных сіл плануецца правесці ў снежні гэтага года, паведаміў “Позірку” галоўны дарадца кіраўніцы Аб’яднанага пераходнага кабінета (АПК) Святланы Ціханоўскай Франак Вячорка.

Каментуючы вынікі трэцяга пасяджэння групы, якое завяршылася 25 чэрвеня ў Брусэлі, ён адзначыў, што ў ім узялі ўдзел па 17 прадстаўнікоў бакоў. Дэмсілы прадстаўлялі Ціханоўская, прадстаўнікі яе офіса, АПК, Каардынацыйнай рады, праваабарончых і грамадскіх арганізацый, медыя.

Абмяркоўваўся “ўвесь комплекс пытанняў, звязаных з легалізацыяй беларусаў у краінах ЕС, дыпламатычныя намаганні па вызваленні палітвязняў, фінансавая падтрымка незалежных СМІ і ініцыятыў”, сказаў Вячорка.

Таксама гаворка ішла аб неабходнасці падтрымаць пасажырскія зносіны і адкрыць межы для беларусаў, працягнуць выдачу шэнгенскіх віз праз еўрапейскія консульствы ў Мінску.

Дэлегацыі абмеркавалі павелічэнне колькасці студэнцкіх стыпендый у еўрапейскіх ВНУ і абменаў для маладых беларусаў, магчымасці іх стажыровак у краінах ЕС і Бруселі.

Падрабязнасці даступныя падпісчыкам “Позірк+”