Пасля вызвалення ў Беларусі пяці ўкраінцаў Ціханоўская заступілася за ўсіх палітвязняў
29 чэрвеня, Позірк. Дэмакратычны лідар Святлана Ціханоўская “з палёгкай даведалася, што пяць палітычна асуджаных украінскіх грамадзянскіх вызваленыя ў Беларусі і шчасна адпраўленыя дадому”.
На сваёй старонцы з сацыяльнай сеткі Х палітык падзякавала прэзідэнту Украіны Уладзіміру Зяленскаму і “ўсім, хто працаваў над тым, каб гэта стала магчымым”.
“Мы мусім вызваліць больш за 1.400 беларусаў, якія ўсё яшчэ ўтрымліваюцца ў якасці палітычных вязняў, многія з іх — за падтрымку Украіны”, — падкрэсліла Ціханоўская.
Увечары 28 чэрвеня Зяленскі і кіраўнік яго офіса Андрэй Ярмак паведамілі, што Украіне “ўдалося вызваліць з расійскага палону яшчэ 10 чалавек”. У ліку вызваленых і перададзеных Кіеву згаданыя “пяць грамадзянскіх, якія былі захопленыя ў Беларусі і пазбаўленыя волі”.
Гаворка пра Мікалая Швеца, затрыманага пасля дыверсіі на аэрадроме ў Мачулішчах (Мінская вобласць), асуджаных паводле арт. 3581 КК (агентурная дзейнасць) Паўла Купрыенку (7 гадоў зняволення) і Людмілу Ганчарэнка (тэрмін невядомы), паводле арт. 358 (шпіянаж) — Наталлю Захаранка (9 гадоў), паводле арт. 3614(садзейнічанне экстрэмісцкай дзейнасці) — Кацярыну Бруханаву.
Беларуская праваабарончая супольнасць раней прызнала Купрыенку, Захаранка і Бруханаву палітвязнямі. Швец і Ганчарэнка адпаведнага статусу не мелі, але ўзгадваліся ў кантэксце спраў палітычна матываванага характару.
На 29 чэрвеня ў Беларусі 1.420 чалавек, якіх праваабаронцы прызнаюць палітвязнямі. У рэальнасці грамадзян, якія зазналі рэпрэсіі у той ці іншай форме, значна больш.
Затрыманы пасля дыверсіі ў Мачулішчах Мікалай Швец і яшчэ чатыры грамадзяніны Украіны перададзеныя Кіеву (дапоўнена)
28 чэрвеня, Позірк. Пяць грамадзян Украіны, у тым ліку затрыманы пасля дыверсіі на ваенным аэрадроме ў Мачулішчах (Мінскі раён) Мікалай Швец, перададзеныя Кіеву, вынікае з публікацыі кіраўніка Офіса прэзідэнта Украіны Андрэя Ермака ў яго тэлеграм-канале. Пост Ермака прысвечаны вяртанню "яшчэ …
