У ЕС набыло моц падвышэнне тарыфаў на імпарт сельгаспрадукцыі з Беларусі і РФ
1 ліпеня, Позірк. У Еўрапейскім саюзе 1 ліпеня набыло моц рашэнне Савета ЕС падвысіць тарыфы на імпарт некаторых відаў сельскагаспадарчай прадукцыі з Беларусі і Расіі.
Раней Еўрапейская камісія (ЕК), якая прадставіла адпаведную прапанову 22 сакавіка, заявіла, што “меры скіраваны на падаўленне імпарту ў ЕС збожжавых, алейных культур і прадуктаў іх перапрацоўкі, а таксама гранул бураковага жому і сушанага гароху, не закранаючы пры гэтым экспарт у трэція краіны і захоўваючы глабальную харчовую бяспеку”.
“Падвышаныя тарыфы распаўсюджваюцца на Беларусь, улічваючы шчыльныя палітычныя і эканамічныя сувязі гэтай краіны з Расіяй”, — падкрэсліла ЕК.
Тарыфы, паводле інфармацыі еўрапейскага органа, “закліканыя прадухіліць дэстабілізацыю рынку ЕС і абараніць фермерскую супольнасць, змагацца з незаконным экспартам украінскага збожжа, няправільна маркіраванага як расійскае, і перакрыць патокі даходаў, якія маглі б фінансаваць агрэсіўную вайну Расіі супраць Украіны”.
Пасля збожжа ЕС можа распаўсюдзіць павышаныя мытныя пошліны на іншыя тавары з РФ і Беларусі — МЗС Бельгіі
31 траўня, Позірк. Павышаныя мытныя пошліны, якія будуць уведзены ў адносінах да збожжа з Беларусі і РФ з 1 ліпеня, могуць пазней быць распаўсюджаны і на іншыя тавары, заявіла 30 траўня на прэс-канферэнцыі па выніках пасяджэння Савета Еўрапейскага саюза па …