Лукашэнка даручыў вярнуць войскі з паўднёвай мяжы ў месцы пастаяннай дыслакацыі
13 ліпеня, Позірк. Аляксандр Лукашэнка ў чарговы раз памяняў танальнасць заяў на адрас Украіны.
“Цяпер у нас ускладненняў ніякіх няма з украінцамі, і я спадзяюся, што і не будзе”, — сказаў ён падчас наведвання 56-га зенітнага ракетнага палка ў Лунінецкім раёне Брэсцкай вобласці 13 ліпеня.
Лукашэнка, які лічыць сябе прэзідэнтам і вярхоўным галоўнакамандуючым, даручыў “адвесці войскі на паўднёвых рубяжах у месцы пастаяннай дыслакацыі”, паведамляе яго прэс-служба.
“Пасля нашай пэўнай працы ўкраінцы свае Узброеныя сілы і дадатковыя войскі, якія яны перакінулі да нашай мяжы, ад мяжы адвялі і наогул вывелі з зоны беларуска-ўкраінскай мяжы”, — заявіў ён.
Лукашэнка правёў нараду ў штабе палка з удзелам дзяржсакратара Савета бяспекі Аляксандра Вальфовіча, старшыні Камітэта дзяржбяспекі Івана Церцеля, міністра ўнутраных спраў Івана Кубракова, міністра абароны Віктара Хрэніна, начальніка Генеральнага штаба Узброеных сіл Паўла Муравейкі, старшыні Дзяржпагранкамітэта Канстанціна Моластава, камандуючага сіламі спецыяльных аперацый Узброеных сіл Вадзіма Дзенісенкі, камандуючы Ваенна-паветранымі сіламі і войскамі супрацьпаветранай абароны Андрэя Лук’яновіча.
2 ліпеня на ўрачыстым сходзе да Дня незалежнасці Лукашэнка, які падтрымлівае расійскую агрэсію супраць Украіны, заявіў: “Вельмі актывізаваліся нашы суседзі ў апошнія некалькі дзён, можа, пару тыдняў. Вельмі актыўна. Але мы ні ў якім разе не павінны дапусціць ніякай эскалацыі і ніякага абвастрэння. Я хачу, каб украінскае кіраўніцтва гэта пачула. Канцэнтрацыя ўзброеных сіл, хай нават нічога не значных, вельмі небяспечная падчас баявых дзеянняў. Мы прааналізавалі сітуацыю. Выдатна разумеем, што ніякага абвастрэння нам не трэба. Мы заўсёды пра гэта казалі. Украінцы разумеюць, што мы адкажам”.
Паводле сцвярджэння прамоўцы, беларускія памежнікі і вайскоўцы “перахопліваюць дзясяткамі беспілотнікі”. З іх дапамогай на тэрыторыю Беларусі нібыта перакідваецца “велізарная колькасць выбухоўкі”, каб “затым даставіць яе ў Расію для здзяйснення тэрактаў”.
“Я б папрасіў украінцаў не балавацца і не сваволіць з агнём. Гэта вельмі небяспечна”, — заявіў Лукашэнка.
20 чэрвеня Дзяржаўны памежны камітэт (ДПК) Беларусі заявіў, што Украіна канцэнтруе на мяжы цяжкае ўзбраенне. На наступны дзень у Беларусі пачалася праверка войскаў з выхадам частак і падраздзяленняў на палігоны і ўчасткі мясцовасці ў Брэсцкай і Гомельскай абласцях.
Украінскія ўлады пацвердзілі, што ўзмацняюць абарону на мяжы з Беларуссю, але адмялі абвінавачанні ў правакацыях.
28 чэрвеня ДПК заявіў аб актывізацыі ўкраінскай выведкі, знаходжанні ў паласе адказнасці Жытомірскага памежнага атрада (тэрыторыя мяжуе з Гомельскай вобласцю) падраздзяленняў “Рускага добраахвотніцкага корпуса”, выяўленні ў памежжы тайніка з выбухоўкай.
У той жа дзень Мінабароны абвясціла аб вывядзенні дывізіёна рэактыўнай сістэмы залпавага агню “Паланэз” з поўным боекамплектам — у сувязі са “складаным становішчам паблізу дзяржаўнай мяжы”.
29 чэрвеня спікер украінскай Дзяржаўнай памежнай службы (ДПСУ) Андрэй Дземчанка заявіў, што ў апошні час “Беларусь актывізавала інфармацыйныя ўкіды адносна ўмацавання з боку Украіны, у прыватнасці ў межах Жытоміршчыны”. Мінску “мроіцца сцягванне самых разнастайных падраздзяленняў, усяго наяўнага ўзбраення і тэхнікі”, сказаў спікер ДПСУ.
Новыя заявы Лукашэнкі Кіеў пакуль не каментаваў.
Гл. таксама па тэме:
Памежная служба Украіны лічыць беспадстаўнымі абвінавачанні ў стварэнні пагрозы для Беларусі
- Грамадства, ПалітыкаХроніка палітычных рэпрэсій за 17 верасня 2024 годаМатэрыял даступны толькі падпісчыкам ПОЗІРК+
- Палітыка
Сталі вядомыя прозвішчы яшчэ 11 палітвязняў, вызваленых па памілаванні
- Палітыка
АПК абмеркаваў падрыхтоўку да другога раўнда стратэгічнага дыялогу з ЗША
- Грамадства, Палітыка
"Экстрэмісцкім фарміраваннем" прызнаны адукацыйны праект "Адукаванка"
- Грамадства, Палітыка
Лукашэнка забараніў фізічным асобам і ІП гандляваць крыптавалютай па-за беларускімі біржамі
- Грамадства, Палітыка
Латушка звярнуўся да МЗС Польшчы з просьбай аб дапамозе беларусам, якія пацярпелі ад паводкі
- Палітыка
Лукашэнка заявіў пра немагчымасць паўтарэння 2020 года, бо ўлады "ўмеюць здабываць урокі з мінулага"
- Палітыка
Лукашэнка прызнаў, што расійскія беспілотнікі залятаюць у Беларусь
- Грамадства, Эканоміка
З 20 верасня вырастуць тарыфы на праезд па платных дарогах
- Грамадства, Палітыка
Латушка і Коўшык абмеркавалі з уладамі Польшчы праблемы беларускіх студэнтаў
- Палітыка
Беларусь будзе ўдзельнічаць у саміце па ўрэгуляванні канфлікту ва Украіне, калі туды запросяць Расію — амбасадар у Швейцарыі
- ЭканомікаБольш за ўсё за год прадукты харчавання ў ЕАЭС падаражэлі ў Беларусі і РасііМатэрыял даступны толькі падпісчыкам ПОЗІРК+
- Палітыка
Рыжанкоў прыняў у новага амбасадара Кітая копіі даверчых грамат
- Грамадства, Палітыка
Журналістцы-палітзняволенай Шчыраковай уручаная прэмія Free Media Awards
- Палітыка
Ціханоўская заклікала палітэмігрантаў не наведваць Беларусь
- ГрамадстваЗа апошнія пяць дзён на беларускіх метэастанцыях зафіксавана 70 тэмпературных рэкордаўМатэрыял даступны толькі падпісчыкам ПОЗІРК+
- Палітыка
Еўрапарламент узгадняе тэкст рэзалюцыі аб палітвязнях у Беларусі — Лябедзька
- ЭканомікаЗапасы прампрадукцыі на складах за пяць гадоў выраслі ў 1,7 разаМатэрыял даступны толькі падпісчыкам ПОЗІРК+
- Палітыка
Прапагандыст Пратасевіч паведаміў прозвішчы яшчэ 10 вызваленых палітвязняў
- Грамадства
У першым чытанні прыняты законапраект, які змякчае пакаранне паводле "антынаркатычнага" арт. 328 КК
- ЭканомікаВа ўсіх абласцях Беларусі запаволіўся рост ВРПМатэрыял даступны толькі падпісчыкам ПОЗІРК+
- Палітыка
Ціханоўская правядзе "шэраг палітычных сустрэч" у ЗША
- Эканоміка
Долар, еўра і юань падаражэлі на біржавых таргах 17 верасня
- Эканоміка
ПП НС ратыфікавала пагадненне з Расіяй аб вытворчасці самалёта "Асвей"
- ЭканомікаСельгасвытворчасць у гадавым вымярэнні вырасла на 7,1% — БелстатМатэрыял даступны толькі падпісчыкам ПОЗІРК+
- ПалітыкаЛатушка заклікаў міністэрствы абароны краін НАТО ўсталяваць кантакты з прадстаўніком АПК па абаронеМатэрыял даступны толькі падпісчыкам ПОЗІРК+
- Эканоміка
Рэальныя даходы насельніцтва за год павялічыліся на 9,9% — Белстат
- ЭканомікаРэальныя даходы насельніцтва за год павялічыліся на 9,9% — Белстат (падрабязна)Матэрыял даступны толькі падпісчыкам ПОЗІРК+
- Эканоміка
Белстат: Аб'ём грузаперавозак за восем месяцаў у гадавым вымярэнні вырас на 2,8%
- Палітыка
Латушка: Рэжым Беларусі — праблема для еўрапейскай бяспекі