Арганізацыі стратнага Белкаапсаюза змогуць атрымліваць субсідыі

7 жніўня, Позірк. Шэраг крэдытаў і субсідый, а таксама бюджэтных сродкаў для ажыццяўлення сваёй дзейнасці змогуць атрымаць беларускія арганізацыі спажывецкай кааперацыі (АПК), вынікае з указа Аляксандра Лукашэнкі № 309 ад 5 жніўня 2024 года, апублікаванага на Нацыянальным прававым інтэрнет-партале 7 жніўня.

У прыватнасці, Банку развіцця Рэспублікі Беларусь прадпісана прадаставіць у 2024–2026 гадах ААТ “Прамагралізінг” крэдыты ў беларускіх рублях для набыцця аўтамагазінаў.

у мэтах наступнага прадастаўлення АПК у фінансавую арэнду (лізінг).

Аблвыканкамам даручана за кошт сродкаў абласных бюджэтаў прадастаўляць субсідыі АПК на кампенсацыю кошту зрасходаванага паліва з улікам падатку на дабаўленую вартасць (ПДВ) па дастаўцы тавараў аўтамагазінамі і ў стацыянарныя гандлёвыя аб’екты спажывецкай кааперацыі, размешчаныя на тэрыторыі сельскай мясцовасці.

Таксама ім дадзена права аказваць падтрымку АПК з абласных бюджэтаў, у тым ліку ў рамках рэгіянальных інвестыцыйных праграм, на фінансаванне кошту з улікам ПДВ будаўніцтва, уключаючы рэканструкцыю, капітальны і бягучы рамонт стацыянарных гандлёвых і вытворчых аб’ектаў.

Акрамя таго, за кошт сродкаў рэспубліканскага і абласных бюджэтаў АПК будуць атрымліваць субсідыі на выплату часткі працэнтаў за карыстанне крэдытамі.

19 сакавіка прэм’ер-міністр Раман Галоўчанка на нарадзе аб мерах падтрымкі спажыўкааперацыі заявіў, што “сітуацыя ў Белкаапсаюзе дастаткова складаная, усе віды дзейнасці, якая ажыццяўляецца, акрамя нарыхтоўчай і вытворчасці, стратныя”.

Там жа ён паведаміў, што старшыня арганізацыі Інэса Караткевіч звярнулася да ўрада з просьбай аб “падтрымцы аўтамагазінаў (аўталавак. — “Позірк”.), дзейнасць якіх з’яўляецца стратнай, але важная для насельніцтва сельскай мясцовасці”, паколькі яны дастаўляюць “тавары не толькі першай неабходнасці, але і дастаткова шырокі асартымент для задавальнення ўсіх базавых патрэб”.

Караткевіч паведаміла, што “рэзерваў сістэмы спажыўкааперацыі недастаткова, каб самастойна пакрыць выдаткі і кампенсаваць планава стратную дзейнасць”.

Белкаапсаюз — гэта “унікальная структура, і страціць яе нельга”, заявіў 16 лютага Аляксандр Лукашэнка на агульным сходзе арганізацыі. Ягоная прэс-служба паведамляла, што Лукашэнка зрабіў акцэнт менавіта на аўтакрамах.

Белкаапсаюз атрымлівае падтрымку дзяржавы цягам апошніх дзесяцігоддзяў.