МЗС РФ: Кантроль за выкарыстаннем размешчанай ў Беларусі ТЯЗ захоўваецца за Расіяй
15 снежня, Позірк. Рашэнне Уладзіміра Пуціна і Аляксандра Лукашэнкі размясціць у Беларусі расійскую тактычную ядзерную зброю (ТЯЗ) стала “скаардынаваным адказам на эскалацыю пагроз з боку дзяржаў — членаў НАТО, якія працягваюць сцягваць істотныя баявыя сілы да заходніх межаў Саюзнай дзяржавы”. Аб гэтым гаворыцца ў даведцы МЗС РФ, падрыхтаванай да сумеснага пасяджэння калегій знешнепалітычных ведамстваў дзвюх краін, якое праходзіць 15 снежня ў Маскве.
У той жа час “прынцыповае значэнне ў плане захавання існуючых міжнародных нераспаўсюджвальных абмежаванняў мае той факт, што кантроль за выкарыстаннем ТЯЗ захоўваецца за Расіяй”, падкрэсліваецца ў матэрыялах.
Супрацоўніцтва Масквы і Мінска ў ваеннай і ваенна-тэхнічнай сферы названа прадуктыўным. “Функцыянуе сумесная рэгіянальная групоўка войскаў. На тэрыторыях дзвюх краін на рэгулярнай аснове праводзяцца маштабныя сумесныя вучэнні: у студзені 2023 г. у Беларусі (у рускамоўным арыгінале — “Белоруссии”. — “Позірк”.) прайшлі лётна-тактычныя вучэнні; у верасні ў Расіі — манеўры “Шчыт Саюза-2023”, — адзначаецца ў дакуменце.
Нагадваецца, што 4 лістапада 2021 года зацверджана абноўленая ваенная дактрына Саюзнай дзяржавы, а ў адпаведнасці з рэзалюцыяй Вышэйшага дзяржсавета СД ад 6 красавіка 2023 года вядзецца распрацоўка канцэпцыі бяспекі СД. Акрамя таго, “па ініцыятыве беларускага боку распрацоўваецца двухбаковы міждзяржаўны дагавор аб гарантыях бяспекі”.
Лукашэнка неаднаразова заяўляў, што можа сам распараджацца расійскай ТЯЗ на падкантрольнай тэрыторыі. У прыватнасці, 16 жніўня 2023 года ў інтэрв’ю прарасійскай украінскай журналістцы Дыяне Панчанкі ён прыгразіў “імгненна ўжыць” ядзерную зброю ў выпадку агрэсіі, якую, на яго думку, могуць ажыццявіць краіны НАТО і Украіна.
- Грамадства
- Грамадства
- Грамадства, Эканоміка
- Грамадства, Палітыка
- Грамадства
- Грамадства, Палітыка
- Палітыка
- Грамадства, Палітыка
- Грамадства
- Грамадства, Палітыка
- Палітыка
- Грамадства, Палітыка
- ГрамадстваМінюст дамагаецца ліквідацыі "Супрацоўніцтва і ўзаемаразумення" і "Кропкі апоры"Матэрыял даступны толькі падпісчыкам ПОЗІРК+
- Грамадства, Палітыка
- Палітыка, Эканоміка
- Грамадства, Палітыка
- Палітыка, Эканоміка
- ГрамадстваУпершыню за час публікацыі Нацбанкам квартальнай статыстыкі не выяўлена падробленых беларускіх рублёўМатэрыял даступны толькі падпісчыкам ПОЗІРК+
- Грамадства
- Грамадства, Палітыка
- Палітыка
- ПалітыкаФрыдман: Зварот Польшчы ў Гаагу ўслед за Літвой наўрад ці ўскладніць лёс Пачобута (падрабязна)Матэрыял даступны толькі падпісчыкам ПОЗІРК+
- Палітыка
- Грамадства, ПалітыкаАктыўнасць нелегалаў на мяжы Беларусі і ЕС у параўнанні з пачаткам верасня знізілася ў паўтара разаМатэрыял даступны толькі падпісчыкам ПОЗІРК+
- ПалітыкаВячорка: Прызнанне мяне "тэрарыстам" — гэта такая форма дыялогу ў разуменні Лукашэнкі і яго памагатыхМатэрыял даступны толькі падпісчыкам ПОЗІРК+
- Палітыка
- Палітыка
- Грамадства, Палітыка
- Палітыка
- Палітыка