“Экстрэмісцкім фарміраваннем” прызнаная супольнасць “Пагоня Гродна”

14 жніўня, Позірк. Камітэт дзяржбяспекі 13 жніўня прызнаў “экстрэмісцкім фарміраваннем” супольнасць “Пагоня Гродна”, вынікае з абноўленага пераліку на сайце МУС.

Адзначаецца, што ў структуру “Пагоні Гродна” ўваходзіць ініцыятыва Free Belarus Women.

Датычнымі да “фарміравання” называюцца грамадзяне “з ліку стваральнікаў, адміністратараў і іншых удзельнікаў шэрагу інтэрнэт-рэсурсаў, аб’яднаных агульнымі назвамі “Пагоня Гродна” і Free Belarus Women”.

Удзельнікам супольнасці названы 38-гадовы актывіст Дзяніс Чашчэвік, які знаходзіцца за мяжой.

Пералічваецца шэраг старонак у сацсетках, якія, як сцвярджаецца, маюць дачыненне да “фарміравання”.

Сацсеткі Free Belarus Women былі прызнаныя “экстрэмісцкімі матэрыяламі” ў 2022 годзе.

4 красавіка Следчы камітэт пачаў спецыяльную вытворчасць у дачыненні да Чэшчавіка. Яго абвінавачваюць паводле арт. 3614 Крымінальнага кодэкса (садзейнічанне экстрэмісцкай дзейнасці).

У спісе “экстрэмісцкіх фарміраванняў” 253 пазіцыі.