Анансаваны на 31 ліпеня візіт у Беларусь прэм’ера Дзяржсавета КНР адбудзецца на гэтым тыдні
19 жніўня, Позірк. Прэм’ер Дзяржсавета КНР Лі Цян наведае Расію і Беларусь з 20 па 23 жніўня, паведаміла 19 жніўня агенцтва “Сіньхуа” са спасылкай на інфармацыю афіцыйнага прадстаўніка МЗС КНР Мао Нін.
Як заявіла Мао Нін, Кітай і Беларусь “маюць адносіны ўсепагоднага і ўсебаковага стратэгічнага партнёрства, і ў апошнія гады дзякуючы намаганням і садзейнічанню кіраўнікоў дзвюх дзяржаў кітайска-беларускія адносіны захоўваюць добрую дынаміку развіцця”. Паводле яе слоў, абодва бакі ўмацавалі палітычны ўзаемадавер і дасягнулі плённых вынікаў у рамках ініцыятывы “Пояс і шлях”.
Падчас візіту ў Беларусь Лі Цян правядзе перамовы з беларускім калегам Раманам Галоўчанкам і “паглыблена абмяняецца з ім думкамі аб двухбаковых адносінах і супрацоўніцтве ў розных галінах”, цытуе Мао Нін “Сіньхуа”.
Першапачаткова візіт у Беларусь кіраўніка кітайскага ўрада быў запланаваны на 31 ліпеня, пра што заяўляў, у прыватнасці, пасля нарады ў Аляксандра Лукашэнкі міністр замежных спраў Максім Рыжанкоў.
Падчас гэтай нарады Лукашэнка заявіў, што першы віцэ-прэм’ер Мікалай Снапкоў даложыць аб выпрацоўцы перамоўнай пазіцыі ў развіццё яго (Лукашэнкі) дамоўленасцяў са старшынёй КНР Сі Цзіньпінам.
22 ліпеня Рыжанкоў абмеркаваў з амбасадарам Кітая Се Сяаюнам падрыхтоўку маючых адбыцца сустрэч на высокім узроўні. Тады прэс-служба МЗС не прывяла падрабязнасцяў.
Сам Рыжанкоў наведаў Пекін 6-9 ліпеня і сустрэўся ў тым ліку са сваім кітайскім калегам Ван І, загадчыкам міжнароднага аддзела кіруючай Камуністычнай партыі Кітая Лю Цзяньчаа. З кіраўніком МЗС КНР беларускі чыноўнік абмеркаваў пытанні “двухбаковага супрацоўніцтва, узаемадзеяння на міжнароднай арэне, глабальнай і рэгіянальнай бяспекі”, быў узгоднены “графік перспектыўных міждзяржаўных кантактаў на вышэйшым і высокім узроўнях”. На сустрэчы з прадстаўніком Кампартыі Рыжанкоў абмеркаваў пытанні бяспекі і канфлікты ў еўразійскім рэгіёне.
У сярэдзіне ліпеня кіраўнік МЗС у эфіры тэлеканала АНТ заявіў, што прадстаўнікі Беларусі падчас візіту перадалі кітайскаму боку шэраг дакументаў і “вельмі падрабязна патлумачылі прыроду рэчаў на мяжы” з Польшчай, што “было ўспрынята не проста з разуменнем, а было прынята”. Паводле сцвярджэння чыноўніка, “шантаж з нагоды транзіту кітайскіх тавараў” праз мяжу ў Варшавы “не атрымаўся ад слова зусім, як бы яны там ні фанабэрыліся”.
Прычына, па якой Рыжанкову прыйшлося ў Кітаі апраўдвацца за сітуацыю на беларуска-польскай мяжы, крыецца ў сутнасці перамоваў прэзідэнта Польшчы Анджэя Дуды і старшыні КНР Сі Цзіньпіна ў канцы чэрвеня ў Пекіне. Кіраўнік польскай дзяржавы паведаміў суразмоўцу, што “гібрыдная атака” з боку рэжыму Лукашэнкі — міграцыйны крызіс на мяжы Беларусі і ЕС — з’яўляецца перашкодай для рэалізацыі кітайскай ініцыятывы “Адзін пояс — адзін шлях”.
- ЭканомікаБольш за ўсё за год прадукты харчавання ў ЕАЭС падаражэлі ў Беларусі і РасііМатэрыял даступны толькі падпісчыкам ПОЗІРК+
- Палітыка
Рыжанкоў прыняў у новага амбасадара Кітая копіі даверчых грамат
- Грамадства, Палітыка
Журналістцы-палітзняволенай Шчыраковай уручаная прэмія Free Media Awards
- Палітыка
Ціханоўская заклікала палітэмігрантаў не наведваць Беларусь
- ГрамадстваЗа апошнія пяць дзён на беларускіх метэастанцыях зафіксавана 70 тэмпературных рэкордаўМатэрыял даступны толькі падпісчыкам ПОЗІРК+
- Палітыка
Еўрапарламент узгадняе тэкст рэзалюцыі аб палітвязнях у Беларусі — Лябедзька
- ЭканомікаЗапасы прампрадукцыі на складах за пяць гадоў выраслі ў 1,7 разаМатэрыял даступны толькі падпісчыкам ПОЗІРК+
- Палітыка
Прапагандыст Пратасевіч паведаміў прозвішчы яшчэ 10 вызваленых палітвязняў
- Грамадства
У першым чытанні прыняты законапраект, які змякчае пакаранне паводле "антынаркатычнага" арт. 328 КК
- ЭканомікаВа ўсіх абласцях Беларусі запаволіўся рост ВРПМатэрыял даступны толькі падпісчыкам ПОЗІРК+
- Палітыка
Ціханоўская правядзе "шэраг палітычных сустрэч" у ЗША
- Эканоміка
Долар, еўра і юань падаражэлі на біржавых таргах 17 верасня
- Эканоміка
ПП НС ратыфікавала пагадненне з Расіяй аб вытворчасці самалёта "Асвей"
- ЭканомікаСельгасвытворчасць у гадавым вымярэнні вырасла на 7,1% — БелстатМатэрыял даступны толькі падпісчыкам ПОЗІРК+
- ПалітыкаЛатушка заклікаў міністэрствы абароны краін НАТО ўсталяваць кантакты з прадстаўніком АПК па абаронеМатэрыял даступны толькі падпісчыкам ПОЗІРК+
- Эканоміка
Рэальныя даходы насельніцтва за год павялічыліся на 9,9% — Белстат
- ЭканомікаРэальныя даходы насельніцтва за год павялічыліся на 9,9% — Белстат (падрабязна)Матэрыял даступны толькі падпісчыкам ПОЗІРК+
- Эканоміка
Белстат: Аб'ём грузаперавозак за восем месяцаў у гадавым вымярэнні вырас на 2,8%
- Палітыка
Латушка: Рэжым Беларусі — праблема для еўрапейскай бяспекі
- Эканоміка
У Беларусі запаволіўся рост эканомікі — Белстат (дапоўнена)
- Эканоміка
У Беларусі запаволіўся рост эканомікі — Белстат
- Палітыка
Пракуратура г. зв. "днр" накіравала ў суд справу байца палка Каліноўскага Дзюрбейкі, запалоненага ўлетку 2022 года
- Палітыка
На семінары ПА НАТО Ціханоўская заклікала падтрымаць барацьбу за незалежнасць Беларусі
- ПалітыкаНа семінары ПА НАТО Ціханоўская заклікала падтрымаць барацьбу за незалежнасць Беларусі (падрабязна)Матэрыял даступны толькі падпісчыкам ПОЗІРК+
- Грамадства
Надзвычайная пажарная небяспека ў Гомельскай і Магілёўскай абласцях абвешчаная на 17–19 верасня
- Палітыка
Лукашэнка назваў Дзень народнага адзінства сімвалам нацыянальнага адраджэння Беларусі
- Палітыка
Самалёт з дэпартаваным з Грузіі журналістам Мялешкам адправіўся ў Варшаву з амаль 10-гадзіннай затрымкай
- Палітыка
Памілавана яшчэ 37 асуджаных за пратэсты (абноўлена)
- Грамадства
Літоўскія памежнікі перахапілі беспілотнік з тысячай пачкаў беларускіх цыгарэт
- Грамадства
Беларусаў да асцярожнасці з-за паводак у Еўропе заклікала толькі амбасада ў Аўстрыі