Прадстаўнік Беларусі ў ААН заклікала “непалітызавана” ацэньваць сітуацыю з мігрантамі на мяжы з ЕС
28 жніўня, Позірк. “Непалітызавана” ацэньваць сітуацыю з мігрантамі на мяжы Беларусі з дзяржавамі Еўрасаюза заклікала пастаянны прадстаўнік беларускіх уладаў у аддзяленні ААН у Жэневе Ларыса Бельская.
Фрагменты яе выступу на пасяджэнні Камітэта ААН па правах людзей з інваліднасцю 27 жніўня апублікаваў праваабарончы цэнтр “Вясна”.
Паведамляецца, што ў адказе на пытанне аб жорсткім абыходжанні з мігрантамі беларускіх сілавікоў Бельская заявіла: такія выпадкі “не зафіксаваныя, гэта не адпавядае рэчаіснасці”.
“Інтэрпрэтацыя сітуацыі на мяжы Беларусі з ЕС, на жаль, часам не адпавядае рэчаіснасці, — сказала пастаянны прадстаўнік. — Беларусь — гэта краіна транзіту. Праз Беларусь цягам апошніх некалькіх гадоў мы назіраем актыўнае перамяшчэнне ўцекачоў з азіяцкага, афрыканскага рэгіёну, з Афганістана — гэта людзі, якія ідуць у ЕС”.
Яна звярнула ўвагу на “праблему выштурхоўвання” мігрантаў назад у Беларусь памежнікамі Польшчы, Літвы і Латвіі, заявіўшы, што “якраз наадварот” яны жорстка абыходзяцца з нелегаламі.
“На жаль, загінула на тэрыторыі Беларусі 50 чалавек на працягу апошняга перыяду”, — адзначыла Бельская.
Не менш за 116 нелегальных мігрантаў, у тым ліку 15 жанчын, памерла на мяжы Беларусі з краінамі ЕС за тры гады — з вясны 2021-га па канец сакавіка 2024-га, вынікае з дакладу “Бяспечнага шляху няма. Смерці мігрант_ак на мяжы Еўрапейскага саюза і Беларусі” праваабарончай арганізацыі Human Constanta. Непасрэдна на тэрыторыі Беларусі на канец сакавіка 2024 года памерла не менш за 47 чалавек.
У дакладзе гаворыцца, што з красавіка 2022 года па верасень 2023-га Human Constanta атрымала запыты аб 54 зніклых без вестак мігрантах. Гэтая інфармацыя накіроўвалася ў Дзяржаўны памежны камітэт Беларусі, аднак ведамства альбо не рэагавала на звароты, альбо “рэагавала фармальна”.
Human Constanta адзначае, што з лета 2021 года Польшча, Літва і Латвія ў дачыненні да нелегальных мігрантаў выкарыстоўваюць практыку “выштурхоўвання” назад на беларускую тэрыторыю, што, як заяўляецца, супярэчыць “праву ЕС і міжнароднаму праву”.
Міграцыйны крызіс на мяжы Беларусі і краін ЕС працягваецца з вясны 2021 года. Улады суседніх еўрапейскіх дзяржаў лічаць яго “гібрыднай атакай”, арганізаванай рэжымамі ў Мінску і Маскве.
Пра напады на польскіх вайскоўцаў і памежнікаў нелегальных мігрантаў, якія спрабавалі трапіць у Еўрасаюз з беларускай тэрыторыі, публічна паведамлялася ў канцы траўня і пачатку чэрвеня.
6 чэрвеня стала вядома пра смерць вайскоўца 1-й танкавай брыгады Матэвуша Сітэка, параненага 28 траўня на мяжы з Беларуссю. Паводле інфармацыі Памежнай аховы Польшчы, Сітэк падвергнуўся нападу мігранта, які ў складзе вялікай групы спрабаваў незаконна перасекчы мяжу з боку Беларусі.
27 кастрычніка 2023 года, каментуючы патокі нелегальнай міграцыі з Беларусі ў краіны Еўрасаюза, Аляксандр Лукашэнка заявіў: “Мы не адстойнік, мы нікога тут лавіць не будзем. Тым больш вы (краіны Захаду. — “Позірк“.) іх паклікалі. Хай ідуць”.
- Грамадства, Палітыка
Вярхоўны суд пакінуў у сіле завочны прыгавор праваабаронцу Судаленку
- Грамадства, Палітыка
На волю выйшаў экс-журналіст Андрэй Толчын
- Эканоміка
Мінск і Масква маюць намер у 2025 годзе вызначыцца з далейшай цаной на расійскі газ для Беларусі
- Грамадства, ПалітыкаХроніка палітычных рэпрэсій за 17 верасня 2024 годаМатэрыял даступны толькі падпісчыкам ПОЗІРК+
- Палітыка
Сталі вядомыя прозвішчы яшчэ 11 палітвязняў, вызваленых па памілаванні
- Палітыка
АПК абмеркаваў падрыхтоўку да другога раўнда стратэгічнага дыялогу з ЗША
- Грамадства, Палітыка
"Экстрэмісцкім фарміраваннем" прызнаны адукацыйны праект "Адукаванка"
- Грамадства, Палітыка
Лукашэнка забараніў фізічным асобам і ІП гандляваць крыптавалютай па-за беларускімі біржамі
- Грамадства, Палітыка
Латушка звярнуўся да МЗС Польшчы з просьбай аб дапамозе беларусам, якія пацярпелі ад паводкі
- Палітыка
Лукашэнка заявіў пра немагчымасць паўтарэння 2020 года, бо ўлады "ўмеюць здабываць урокі з мінулага"
- Палітыка
Лукашэнка прызнаў, што расійскія беспілотнікі залятаюць у Беларусь
- Грамадства, Эканоміка
З 20 верасня вырастуць тарыфы на праезд па платных дарогах
- Грамадства, Палітыка
Латушка і Коўшык абмеркавалі з уладамі Польшчы праблемы беларускіх студэнтаў
- Палітыка
Беларусь будзе ўдзельнічаць у саміце па ўрэгуляванні канфлікту ва Украіне, калі туды запросяць Расію — амбасадар у Швейцарыі
- ЭканомікаБольш за ўсё за год прадукты харчавання ў ЕАЭС падаражэлі ў Беларусі і РасііМатэрыял даступны толькі падпісчыкам ПОЗІРК+
- Палітыка
Рыжанкоў прыняў у новага амбасадара Кітая копіі даверчых грамат
- Грамадства, Палітыка
Журналістцы-палітзняволенай Шчыраковай уручаная прэмія Free Media Awards
- Палітыка
Ціханоўская заклікала палітэмігрантаў не наведваць Беларусь
- ГрамадстваЗа апошнія пяць дзён на беларускіх метэастанцыях зафіксавана 70 тэмпературных рэкордаўМатэрыял даступны толькі падпісчыкам ПОЗІРК+
- Палітыка
Еўрапарламент узгадняе тэкст рэзалюцыі аб палітвязнях у Беларусі — Лябедзька
- ЭканомікаЗапасы прампрадукцыі на складах за пяць гадоў выраслі ў 1,7 разаМатэрыял даступны толькі падпісчыкам ПОЗІРК+
- Палітыка
Прапагандыст Пратасевіч паведаміў прозвішчы яшчэ 10 вызваленых палітвязняў
- Грамадства
У першым чытанні прыняты законапраект, які змякчае пакаранне паводле "антынаркатычнага" арт. 328 КК
- ЭканомікаВа ўсіх абласцях Беларусі запаволіўся рост ВРПМатэрыял даступны толькі падпісчыкам ПОЗІРК+
- Палітыка
Ціханоўская правядзе "шэраг палітычных сустрэч" у ЗША
- Эканоміка
Долар, еўра і юань падаражэлі на біржавых таргах 17 верасня
- Эканоміка
ПП НС ратыфікавала пагадненне з Расіяй аб вытворчасці самалёта "Асвей"
- ЭканомікаСельгасвытворчасць у гадавым вымярэнні вырасла на 7,1% — БелстатМатэрыял даступны толькі падпісчыкам ПОЗІРК+
- ПалітыкаЛатушка заклікаў міністэрствы абароны краін НАТО ўсталяваць кантакты з прадстаўніком АПК па абаронеМатэрыял даступны толькі падпісчыкам ПОЗІРК+
- Эканоміка
Рэальныя даходы насельніцтва за год павялічыліся на 9,9% — Белстат