3 кастрычніка, Позірк. На 8,1 тыс. скарацілася за тры гады колькасць настаўнікаў ва ўстановах агульнай сярэдняй адукацыі, вынікае з праведзенага “Позіркам” параўнальнага аналізу публікацый, якія рыхтуе Нацыянальны статыстычны камітэт да Дня настаўніка (сёлета 6 кастрычніка).
Калі на пачатак навучальнага года-2020/21 у сістэме агульнай сярэдняй адукацыі працавала 111,4 тыс. настаўнікаў, то на пачатак 2023/24 (даныя публікуюцца са спазненнем на год) — 103,3 тыс.
Пры гэтым найбольшае скарачэнне колькасці настаўнікаў (на 4,7 тыс. — да 106,7 тыс.) адбылося паміж 2020/21 і 2021/22 навучальнымі гадамі, калі ўлада пачала актыўна пазбаўляцца ад не згодных з фальсіфікацыяй вынікаў прэзідэнцкіх выбараў, а паралельна адбывалася масавая палітычная эміграцыя.
