Курс долара перавысіў 3,3 рубля, чарговы раз абнавіўшы гадавы максімум
10 кастрычніка, Позірк. Курс амерыканскай валюты 10 кастрычніка пераадолеў адзнаку 3,3 рубля — упершыню сёлета і за апошнія 12 месяцаў, у чарговы раз абнавіўшы гадавы максімум — трэція таргі запар на Беларускай валютна-фондавай біржы.
Каціроўка долара вырасла да 3,3011 рубля (+0,0102; -0,31%).
Папярэдні раз курс быў вышэй за адзнаку 3,3 на таргах 11 кастрычніка 2023 года (3,3505). Абсалютны рэкорд — 3,3609 на таргах 9 кастрычніка 2023 года.
Еўра патаннеў да 3,62 рубля (-0,0246; -0,67%), юань — да 4,7156 за 10 (-0,0152; -0,32%), расійскі рубель — да 3,4205 за 100 (-0,014; -0,41%).
На мінулым працоўным тыдні (30 верасня — 4 кастрычніка) долар падаражэў на 1,12% (з 3,2163 да 3,2524), еўра — на 0,42% (з 3,605 да 3,6200), юань — на 0, 63% (з 4,6307 да 4,6600 за 10), курс расійскага рубля знізіўся на 0,52% (з 3,4762 да 3.4581 за 100).
Афіцыйны курс долара ў Беларусі ў студзені знізіўся на 0,01% (з 3,1775 да 3,1771 рубля) — гэта быў шосты паказчык на тэрыторыі былога СССР; у лютым — вырас на 1,95% (да 3,2391) — другое месца пасля Расіі (+2,89%), за два месяцы — на 1,94% (шостае месца); у сакавіку — на 0,33% (да 3,2498) — пятае месца, за тры месяцы — на 2,28% (трэцяе); у красавіку — на 0,14% (да 3,2542) — шостае месца, за чатыры месяцы — на 2,41%; у траўні — знізіўся на 1,48% (да 3,2059) — трэцяе месца, за пяць месяцаў — вырас на 0,89% (восьмае).
У чэрвені долар патаннеў на 1,36% (да 3,1624) — трэцяе месца, па выніках першага паўгоддзя — на 0,48% (пятае месца); у ліпені — на 0,87% (да 3,1349) — сёмае месца, за сем месяцаў — на 1,34% (пятае). У жніўні вырас на 1,55% (да 3,1834 рублі) — другое месца, за восем месяцаў — на 0,19% (пятае), у верасні — на 0,88% (да 3,2113 рубля) — трэцяе месца, за дзевяць месяцаў — на 1,06% (шостае).
За 2023 год каціроўка долара павялічылася на 16,12% (з 2,7364 да 3,1775 рубля). Гэта другі паказчык на постсавецкай прасторы, сведчыць праведзены “Позіркам” параўнальны аналіз каціровак цэнтрабанкаў на 31 снежня 2022 года і 31 снежня 2023-га. На першым месцы Расія — 27,51% (з 70.3375 да 89,6883 рубля).
Улады разлічваюць утрымаць курс долара ў 2025 годзе на ўзроўні 3,35–3,37 рубля
9 кастрычніка, Позірк. Беларускія ўлады разлічваюць, што курс долара ў 2025 годзе не перавысіць 3,35–3,37 рубля, паведамляе расійскае агенцтва Sputnik. Такія звесткі назваў дэпутат Палаты прадстаўнікоў Нацыянальнага сходу Васіль Панасюк. Паводле яго слоў, "з такога разліку фарміруецца бюджэт" Беларусі на …