У Германіі патрэбная працоўная група па пытаннях легалізацыі беларусаў, лічыць Ціханоўская
15 кастрычніка, Позірк. Праблемы легалізацыі беларусаў у Германіі “нельга абмінаць увагай”, заявіла дэмакратычны лідар Святлана Ціханоўская ў Берліне на сустрэчы з прадстаўнікамі супольнасці беларускай дыяспары ў ФРГ “Разам”.
“Мы хочам, каб прадстаўнікі МЗС, МУС, Мінюста, Міграцыйнай службы [Германіі] і [прадстаўнікі беларускай] дыяспары стварылі працоўную групу па Беларусі, — цытуе палітыка яе прэс-служба. — Каб не патрабавалі ад беларусаў апастыляў на дыпломах, розных пасведчаннях і даведках”.
Паводле слоў Ціханоўскай, унутры Беларусі сёння “практычна няма прасторы для грамадскай дзейнасці”. “І наша задача — тых, хто за мяжой, — працягваць і вяртаць Беларусь у парадак дня”, — падкрэсліла яна.
“Дарагія, не заставайцеся пасіўнымі, аб’ядноўвайцеся і бярыце ініцыятыву ў свае рукі, — заклікала палітык беларусаў Германіі. — Не бойцеся грукацца ў дзверы да мясцовых палітыкаў і адвакатаваць свае інтарэсы. Калі вы распавядаеце ў медыя пра нашу барацьбу, пра палітвязняў, пра праблемы ў выгнанні — гэта выкліча рэакцыю і ў палітыкаў”.
Дэмлідар аргументавала свой заклік тым, што “калі няма Беларусі ў медыя — няма і ў палітыцы”.
Ціханоўская наведвае Берлін 14–15 кастрычніка. У першы дзень візіту яна выступіла на форуме “Будучыня Беларусі”. Апрача яе ў гэтай сустрэчы ўзялі ўдзел намеснік кіраўніцы Аб’яднанага пераходнага кабінета (АПК), кіраўнік Народнага антыкрызіснага ўпраўлення Павел Латушка, прадстаўнікі АПК Уладзімір Астапенка (па міжнародным і еўрапейскім супрацоўніцтве), Аліна Коўшык (па нацыянальным адраджэнні), кіраўнік апарата кабінета Валерый Мацкевіч.
Праграма візіту прадугледжвала сустрэчы Ціханоўскай з віцэ-канцлерам і міністрам па эканамічных пытаннях і кліматычных мерапрыемствах Робертам Хабекам, кіраўніцай МЗС Аналенай Бербок, міністрам юстыцыі Марка Бушманам, міністрам адукацыі і навуковых даследаванняў Бэцінай Штарк-Ватцынгер, кіраўніком Федэральнай канцылярыі Вольфгангам Шмітам, дэпутатамі Бундэстага.
- Грамадства
- Эканоміка
- ЭканомікаБелстат: Даўгі прадпрыемстваў за год выраслі на 13%Матэрыял даступны толькі падпісчыкам ПОЗІРК+
- Грамадства, ПалітыкаДэмсілы абмеркавалі з нямецкімі дэпутатамі непрызнанне выбараў-2025, дапамогу беларусамМатэрыял даступны толькі падпісчыкам ПОЗІРК+
- Грамадства
- ЭканомікаСельгасвытворчасць у гадавым вымярэнні вырасла на 5,1% — БелстатМатэрыял даступны толькі падпісчыкам ПОЗІРК+
- Грамадства, Палітыка
- Эканоміка
- Палітыка
- Грамадства, ПалітыкаАд пачатку года краіны ЕС спынілі больш за 33 тыс. спробаў нелегальнага пранікнення з тэрыторыі БеларусіМатэрыял даступны толькі падпісчыкам ПОЗІРК+
- Грамадства
- Палітыка
- Грамадства
- ЭканомікаУ Беларусі працягваюць павялічвацца сярэднія працэнтныя стаўкі па крэдытахМатэрыял даступны толькі падпісчыкам ПОЗІРК+
- Грамадства, Палітыка
- Палітыка
- ПалітыкаХроніка палітычных рэпрэсій за 12–14 кастрычніка 2024 годаМатэрыял даступны толькі падпісчыкам ПОЗІРК+
- Палітыка
- Палітыка
- Палітыка, Эканоміка
- Грамадства, Палітыка
- Эканоміка
- Эканоміка
- Палітыка
- Палітыка
- Эканоміка
- Палітыка
- Грамадства, Палітыка
- Грамадства
- Грамадства