Дэталі смяротнай аварыі на МКАД: Кіроўца дапусціў занос, сутыкнуўся з аўто, потым уехаў ў апору
2 жніўня, Позірк. Следчы камітэт шукае відавочцаў смяротнай аўтамабільнай аварыі, якая адбылася каля 11:20 2 жніўня на Мінскай кальцавой дарозе.
Ведамства раскрыла некаторыя дэталі здарэння. Паводле інфармацыі СК, 19-гадовы кіроўца аўтамабіля “Сеат” “дапусціў занос і сутыкнуўся з аўтамабілем, які ехаў у той жа бок, пасля чаго здзейсніў наезд на асвятляльную апору”.
Раней сталічная Дзяржаўтаінспекцыя, паведамляючы пра здарэнне, заявіла, што кіроўца “рухаючыся ў раёне 4-га км знешняга кальца МКАД, не даў рады кіраванню, выехаў за межы праезнай часткі” і ўехаў ў асвятляльную мачту.
“Ад атрыманых цялесных пашкоджанняў кіроўца <…> памёр на месцы здарэння, 21-гадовы пасажыр дастаўлены ва ўстанову аховы здароўя для абследавання”, — адзначала служба.
