У Іўеўскім раёне матацыкліст без правоў загінуў, урэзаўшыся ў грузавік
25 ліпеня, Позірк. 40-гадовы матацыкліст разбіўся да смерці ранкам 25 ліпеня ў Іўеўскім раёне, паведамляе прэс-служба УУС Гродзенскага аблвыканкама.
Згодна з інфармацыяй ведамства, аварыя здарылася паміж аграгарадком Трабы і вёскай Брагі. Мужчына ўрэзаўся ў грузавік МАЗ, які стаяў на месцы, і памёр там жа. Адзначаецца, што ён не меў правоў кіроўцы. Акрамя таго, матацыкліст ехаў без шлема.
Праводзіцца праверка.
Міліцыя нагадала, што “чым большая хуткасць, тым цяжэй кіраваць матацыклам”. “Матацыкл па-ранейшаму застаецца тэхнікай, якая патрабуе не толькі тэарэтычных ведаў, але і канцэнтрацыі пры кіраванні, усвядомленасці таго, чым кіруе кіроўца, і няўхільнага датрымання Правілаў дарожнага руху”, — падкрэсліваецца ў паведамленні.
У выніку аварыі ў Быхаўскім раёне адзін чалавек загінуў, пяцёра шпіталізавана
25 ліпеня, Позірк. Смяротная аварыя здарылася позна ўвечары 24 ліпеня на дарозе Р-93 (Магілёў — Бабруйск), паведамляе прэс-служба УУС Магілёўскага аблвыканкама. Згодна з папярэдняй інфармацыяй тэрытарыяльнага ўпраўлення, у 22:20 ля вёскі Гроні (Быхаўскі раён) 62-гадовы кіроўца "Ровера" не даў рады …
