МЗС прапанавала беларусам пакінуць Ліван за свой кошт
16 кастрычніка, Позірк. Не чакаць “з мора ракеты” і вяртацца ў Беларусь з Лівана прапанаваў беларусам неафіцыйны тэлеграм-канал знешнепалітычнага ведамства “Глас МИДа”.
“Ліван ужо пакінулі больш за 3 тыс. французаў, больш за 1.100 амерыканцаў і беларусам МЗС таксама казаў гэта зрабіць. Але казаць — не мяшкі варочаць”, — сказана ў паведамленні, апублікаваным 16 кастрычніка.
Беларусам для вяртання дадому прапануецца шэраг рэгулярных рэйсаў (з нумарамі) і перасадкай у Маскве, уладальнікі шэнгенскай візы прапанаваны варыянт з перасадкай у еўрапейскіх гарадах на аўтобус да Мінска.
Прадугледжваецца, што вырашаць пытанне з эвакуацыяй з краіны беларусы будуць самастойна.
У паведамленні гучыць заклік падумаць аб сваіх блізкіх і заяўляецца, што ў Беларусі “сапраўды спакойна і бяспечна, а жыццё адно”.
31 ліпеня МЗС Беларусі “да стабілізацыі абстаноўкі ў рэгіёне” рэкамендаваў “часова ўстрымацца ад паездак у Ліван” у сувязі з абвастрэннем сітуацыі на Блізкім Усходзе.
Грамадзянам Беларусі, якія ўжо знаходзяцца на тэрыторыі краіны, “неабходна строга прытрымлівацца ўказанняў мясцовых улад”, падтрымліваць сувязь з пасольствам Беларусі ў Сірыі, а таксама “актуалізаваць свае даныя па консульскім уліку”.
31 ліпеня стала вядома, што Ізраіль нанёс удар па Бейруце і заявіў аб знішчэнні галоўнага ваеннага камандзіра “Хезбалы” Фуада Шукра, якога ў Ізраілі лічаць адказным за ракетны абстрэл на Галанскіх вышынях.
Амбасада Беларусі ў Сірыі 25 верасня таксама нагадала на сваёй старонцы ў “Фэйсбуку” аб рэкамендацыі беларускім грамадзянам устрымацца ад паездак у Ліван.
17 верасня 2024 года ў Ліване і Сірыі ўзарваліся пэйджары, якія выкарыстоўвалі актывісты шыіцкай групоўкі “Хізбаллах”. 18 верасня ў Ліване ўзарваліся рацыі і іншыя бесправадныя прылады сувязі, якія таксама выкарыстоўвалі члены “Хізбалы”. У краіне заяўлена аб дзясятках забітых і тысячы параненых.
19 верасня ВПС Арміі абароны Ізраіля (ЦАХАЛ) ажыццявілі масіраваную атаку на аб’екты “Хізбаллы”. 20 верасня ў Бейруце ў выніку авіяўдару ЦАХАЛа былі ліквідаваныя камандуючы спецназам “Хізбалы” Ібрагім Акіл і іншыя камандзіры.
21–22 верасня ЦАХАЛ павялічыў інтэнсіўнасць удараў па мэтам у Ліване.
23 верасня пачалася новая фаза вайны: былі атакаваны тысячы цэляў, Міністэрства аховы здароўя Лівана паведаміла аб сотнях забітых і тысячах параненых. Ваенная аперацыя ў Ліване атрымала назву “Стрэлы поўначы”. Начальнік Генштаба Ізраіля абазначыў яе мэтай знішчэнне баявой інфраструктуры, якая выкарыстоўваецца баевікамі “Хізбалы”, а таксама вяртанне жыхароў паўночных раёнаў Ізраіля ў свае дамы, якія яны былі вымушаны пакінуць у выніку пастаянных ракетных абстрэлаў (па дадзеных ізраільскага боку, з кастрычніка мінулага года з Лівана было выпушчана не менш за 7.000 ракет), а таксама запускаў беспілотных лятальных апаратаў з тэрыторыі Лівана.
27 верасня ў прыгарадзе Бейрута быў атакаваны галоўны штаб “Хізбалы”, знішчаны кіраўнік групоўкі Хасан Насрала і многія іншыя кіраўнікі і камандзіры.
Увечары 1 кастрычніка Іран зрабіў ракетную атаку на Ізраіль. Па тэрыторыі дзяржавы было запушчана каля 200 балістычных снарадаў.
Адначасова працягваецца распачатая ў кастрычніку мінулага гады ваенная аперацыя Ізраілю ў сектары Газа, якая стала адказам на напад тэрарыстаў групоўкі ХАМАС на ўдзельнікаў музычнага фэсту, які праходзіў 7 кастрычніка каля мяжы Ізраілю з сектарам. У выніку тэрарыстычнага нападу ў Ізраілі загінула 1,2 тыс. чалавек з 37 краін, у тым ліку трое грамадзян Беларусі; пацярпела 7,3 тыс.