Дэмсілы прапанавалі беларусам галасаваць “супраць усіх” на выбарах 2025 года

23 кастрычніка, Позірк. “Выказаць свой пратэст, прагаласаваўшы супраць усіх, хто крадзе наша права голасу”, прапанавалі дэмакратычныя сілы ў сумеснай заяве, прымеркаванай да прызначэння даты прэзідэнцкіх выбараў на 26 студзеня 2025 года.
Тэкст заявы апублікаваны на сайце Святланы Ціханоўскай. Акрамя дэмакратычнага лідара, пад ім падпісаліся Аб’яднаны пераходны кабінет і Каардынацыйная рада.
Адзначаецца, што галасаваннем “супраць усіх” выбаршчыка пакажуць, што “беларускае грамадства па-ранейшаму выступае супраць Лукашэнкі і патрабуе свабодных і сумленных выбараў”.
“Мы таксама прапрацоўваем і прапануем іншыя варыянты, як выказаць пратэст у залежнасці ад развіцця сітуацыі”, — гаворыцца ў заяве.
“Электаральная кампанія праводзіцца ў сітуацыі глыбокага палітычнага крызісу ў Рэспубліцы Беларусь, — адзначаюць дэмсілы. — Аляксандр Лукашэнка незаконна ўтрымлівае ўладу шляхам рэпрэсій супраць беларускага грамадства, абапіраючыся на падтрымку Крамля. Больш за 1.300 чалавек на дадзены момант афіцыйна прызнаныя палітвязнямі, а патэнцыйныя кандыдаты незаконна кінутыя за краты або выцесненыя з краіны. Праз рэпрэсіі беларусы і беларускі не змогуць убачыць дэмакратычных кандыдатаў і кандыдатак у бюлетэнях, паўдзельнічаць у мітынгах і агітацыйнай кампаніі”.
На думку дэмакратычных сіл, рэжым Лукашэнкі, “баючыся чарговай паразы” на выбарах, “пазбавіў рэгістрацыі ўсе апазіцыйныя партыі, больш за 1,7 тыс. грамадскіх арганізацый і закрыў усе незалежныя медыя”.
“Мы патрабуем спынення ўсіх відаў рэпрэсій, вызвалення ўсіх палітвязняў, рэалізацыі права ўсіх грамадзян Беларусі на паўнавартасны ўдзел у выбарах незалежна ад месца жыхарства, забеспячэння свабоды сходаў і роўнага доступу да сродкаў масавай інфармацыі, а таксама правядзення выбараў у адпаведнасці з міжнароднымі стандартамі АБСЕ і пад кантролем назіральнікаў”, — падкрэсліваецца ў заяве.
Пра неабходнасць “дэлегітымацыі рэжыму Лукашэнкі”, “непрызнання вынікаў імітацыі выбараў” гаворыцца ў дакуменце “Платформа 2025”, які падпісалі 3 жніўня на канферэнцыі “Новая Беларусь” у Вільнюсе офіс Святланы Ціханоўскай, АПК, КС і іншыя дэмакратычныя структуры. 8 кастрычніка Следчы камітэт Беларусі паведаміў аб узбуджэнні крымінальных спраў супраць удзельнікаў “Платформы 2025”. У рэлізе СК згадваліся ч. 1 арт. 357 (змова ці іншыя дзеянні, учыненыя з мэтай захопу або ўтрымання дзяржаўнай улады неканстытуцыйным шляхам) і ч. 3 арт. 3611 (уваходжанне асобы ў склад экстрэмісцкага фарміравання ў мэтах здзяйснення злачынства экстрэмісцкай накіраванасці) Крымінальнага кодэкса.
- Грамадства
- Эканоміка
- Палітыка, Эканоміка
- Эканоміка
- ЭканомікаПрамысловы ўлоў рыбы ў Беларусі за 12 гадоў скараціўся ў 1,8 раза (падрабязна)Матэрыял даступны толькі падпісчыкам ПОЗІРК+
- ГрамадстваПамерла сястра загінулага добраахвотніка Парфянкова, яна адмаўлялася з'язджаць з Беларусі, нягледзячы на пераслед (падрабязна)Матэрыял даступны толькі падпісчыкам ПОЗІРК+
- Палітыка
- Палітыка
- Грамадства
- Грамадства, Палітыка
- Грамадства
- Грамадства
- ГрамадстваГарэцкі: БАЖ фіксуе выпадкі, калі пад выглядам журналістаў да людзей звяртаюцца трэція асобы (падрабязна)Матэрыял даступны толькі падпісчыкам ПОЗІРК+
- Палітыка
- Грамадства, Палітыка
- ЭканомікаКолькасць спраў аб банкруцтве павялічылася ў гадавым вымярэнні амаль на 30%Матэрыял даступны толькі падпісчыкам ПОЗІРК+
- Грамадства
- ЭканомікаУ сакавіку працэнтныя стаўкі па крэдытах выраслі як для юрыдычных, так і для фізічных асоб — НацбанкМатэрыял даступны толькі падпісчыкам ПОЗІРК+
- Эканоміка
- Грамадства, Палітыка
- Эканоміка
- Палітыка
- ГрамадстваУ Беларусі за два гады колькасць бібліятэк зменшылася на 4%Матэрыял даступны толькі падпісчыкам ПОЗІРК+
- ЭканомікаЧыстыя замежныя актывы Нацбанка знізіліся на 4,1%Матэрыял даступны толькі падпісчыкам ПОЗІРК+
- Палітыка, Эканоміка
- Эканоміка
- ЭканомікаАд пачатку года прампрадукцыя падаражэла амаль на 3,6% — даныя Белстата (падрабязна)Матэрыял даступны толькі падпісчыкам ПОЗІРК+
- Эканоміка
- Эканоміка
- Грамадства