Сіярта ў Мінску: Мы не любім санкцыі

31 кастрычніка, Позірк. “Мы, венгры, робім выснову, што калі санкцыі не дзейнічаюць, не варта імі займацца, не варта іх навязваць”, — заявіў міністр замежных спраў і знешняга гандлю Венгрыі Петэр Сіярта па выніках перагавораў з кіраўніком МЗС Беларусі Максімам Рыжанковым 31 кастрычніка ў Мінску.

“Прытрымліваючыся стратэгіі эканамічнага нейтралітэту, мы не любім санкцыі. Мы лічым, што трэба прыбраць перашкоды і забяспечыць свабоду сусветнай эканоміцы для дзеяння”, — цытуюць яго беларускія дзяржСМІ.

Паводле яго сцвярджэння, еўрапейская эканоміка “больш пакутуе з-за санкцый, чым тыя краіны, супраць якіх яны ўводзіліся”, да таго ж “знайшлося шмат шляхоў і шмат жадаючых” для іх абыходу.

Урад Беларусі ўключыў Венгрыю ў спіс “недружалюбных” краін.

Пры гэтым Венгрыя застаецца адзінай краінай Еўрасаюяза, якая падтрымлівае публічныя кантакты з Мінскам. Як член ЕС яна далучылася да санкцый супраць рэжыму Аляксандра Лукашэнкі, аднак прадстаўнікі венгерскіх улад неаднаразова заяўлялі, што не падтрымліваюць іх.

Сіярта рэгулярна наведвае Мінск. Візіты адбыліся ў лістападзе 2023 года і ў траўні 2024-га.

Іх раскрытыкавалі беларускія дэмсілы.

9 верасня паведамлялася аб акрэдытацыі аташэ па пытаннях абароны, ваеннага і ваенна-паветранага аташэ пры пасольстве Венгрыі ў Беларусі палкоўніка Іштвана Богнара. “адказнай і актыўнай пазіцыяй, паслядоўна праводзіць узважаную міралюбівую палітыку”.