Ухвалены праект пагаднення з Расіяй аб парадку ўзаемнага выканання судовых пастаноў

31 кастрычніка, Позірк. Праект Пагаднення паміж Беларуссю і РФ аб парадку ўзаемнага выканання судовых пастаноў судоў дзвюх краін адобраны ў якасці асновы для правядзення перагавораў указам Аляксандра Лукашэнкі ад 31 кастрычніка № 404, паведаміла яго прэс-служба.

На правядзенне перагавораў па праекту пагаднення, а таксама яго падпісанне пры дасягненні дамоўленасці ўпаўнаважана Міністэрства юстыцыі.

Раней паведамлялася, што падпісанне згаданага пагаднення плануецца ў 2024 годзе.

У 2016 годзе набыло моц пагадненне паміж краінамі аб парадку ўзаемнага выканання судовых пастаноў па справах аб спагнанні аліментаў.