МНС папярэджвае пра моцныя парывы ветру 18 лістапада

18 лістапада, Позірк. Узмацненне ветру парывамі 15–18 метраў на секунду чакаецца “месцамі па рэспубліцы” 18 лістапада, папярэджвае Міністэрства па надзвычайных сітуацыях.

“Вецер паўднёва-заходні 5–10 м/с, парывы да 14 м/с, месцамі парывы 15–18 м/с”, — гаворыцца ў паведамленні.

Ведамства заявіла пра магчымае пашкоджанне або абрыў ліній сувязі і электраперадачы, парушэнне электразабеспячэння, пашкоджанне або абвальванне слаба ўмацаваных канструкцый, дахаў будынкаў, збудаванняў, падзенне дрэў.

Паведамляецца, што ў Беларусі будзе пераважна воблачна, часам дождж або мокры снег. Тэмпература паветра складзе 2–7 градусаў цяпла.

Шкала Бофарта класіфікуе вецер хуткасцю 4–5, 6–7, 8–10 м/c як слабы, умераны і свежы адпаведна (3, 4 і 5 балаў з 12), 14–17 м/с — моцны (7 балаў), 18–20 м/с — вельмі моцны (8 балаў).