За суткі на пажарах у Беларусі загінула тры чалавекі

16 снежня, Позірк. За мінулыя дзяжурныя суткі (з 6:00 15 снежня да 6:00 16 снежня) на пажарах у Беларусі загінула тры чалавекі, вынікае з аператыўнай зводкі Міністэрства па надзвычайных сітуацыях.

У Драгічынскім раёне (Брэсцкая вобласць) ахвярамі агню сталі два чалавекі, у Рэчыцкім раёне (Гомельская вобласць) — адзін.

За мінулыя суткі ў краіне адбыліся 22 надзвычайныя сітуацыі тэхнагеннага характару. Пажары пашкодзілі 19 будынкаў, адну адзінку тэхнікі; траўмаваны адзін чалавек. За гэты час выратавалі трох чалавек, у тым ліку аднаго на пажары.

З пачатку 2024 года ў Беларусі адбылося 5.958 пажараў — на 8,07% больш, чым за той жа перыяд 2023-га (5.513). Загінула 517 чалавек (+8,39%, 477), траўмавана — 590 (+15,46%, 511).