Запаволенне росту прамысловай вытворчасці ў Беларусі назіраецца чацвёрты месяц запар

16 снежня, Позірк. Прамысловая вытворчасць у студзені — лістападзе 2024 года ў наяўных цэнах склала 184,9 млрд рублёў — на 5,5% больш да аналагічнага перыяду 2023-га, сведчаць даныя Нацыянальнага статыстычнага камітэта.

У студзені прамвытворчасць вырасла на 5,4%, студзені — лютым — на 7,1%, студзені — сакавіку — на 6,5%, студзені — красавіку — на 7,7%, студзені — траўні — на 8%, студзені — чэрвені — на 7,1%, студзені — ліпені — на 7,5%, студзені — жніўні — на 7,1%, студзені — верасні — на 6,4%, студзені — кастрычніку — на 6,2%.

Паводле даных Белстата, прамвытворчасць за 2023 год у наяўных цэнах склала 187,3 млрд рублёў (+7,7% да ўзроўню 2022-га).