16 снежня зафіксаваны тэмпературны рэкорд дня за ўвесь перыяд метэаназіранняў
17 снежня, Позірк. Тэмпературны рэкорд дня за ўвесь перыяд інструментальных метэаназіранняў зафіксаваны 16 снежня ў Беларусі, сведчыць праведзены “Позіркам” аналіз аператыўных і архіўных даных Белгідрамета.
У Брэсце паветра прагрэлася да 10,3 градуса цяпла. Ранейшы максімум пратрымаўся 18 гадоў (9,4 градуса ў Сянно 16 снежня 2006 года). У самім Брэсце перакрыты лакальны рэкорд 1950 года (+8,7). Да таго ж года адносіцца экстрэмум, перапісаны ў Пінску (8,9 супраць 8,4).
У Гродне абнавіўся рэкорд, што трымаўся 53 гады (9,6 супраць 8).
Новыя экстрэмумы зафіксаваныя яшчэ на 12 метэастанцыях.
