У Мінскім раёне загарэлася станцыя тэхабслугоўвання (дапоўнена)
Дададзеныя абзацы 5–6.
25 снежня, Позірк. Аб узгаранні на станцыі тэхнічнага абслугоўвання ў аграгарадку Наваселле Мінскага раёна паведамляе прэс-служба Міністэрства па надзвычайных сітуацыях.
“Падраздзяленні МНС ліквідуюць узгаранне”, — гаворыцца ў паведамленні.
Паводле папярэдняй інфармацыі, пацярпелых няма.
“Абставіны інцыдэнту высвятляюцца”, — адзначае ведамства.
Пазней МНС справаздачылася аб ліквідацыі пажару, дадаўшы, што яго плошча склала 480 квадратных метраў.
“Паводле аператыўнай інфармацыі ў выніку інцыдэнту знішчаныя два седлавыя цягачы і адзін пагрузчык”, — паведамілі ў міністэрстве.
Паводле звестак МНС на раніцу 25 снежня, з пачатку года ў Беларусі адбылося 6.112 пажараў (5.632 за аналагічны перыяд 2023 года; +8,52%). Загінулі 544 чалавекі (497; +9,46%), у тым ліку 11 дзяцей (8; +37,5%); траўмавана — 607 (527; +15,2%).
За пяць сутак агонь у Беларусі забраў жыцці 19 чалавек
25 снежня, Позірк. За мінулыя дзяжурныя суткі (з 6:00 24 снежня да 6:00 25 снежня) ад агню ў Беларусі сканала пяць чалавек, вынікае з аператыўнай зводкі Міністэрства па надзвычайных сітуацыях. Гібель людзей зафіксаваная ў Мінску, Маладзечанскім раёне (Мінская вобласць), Ушацкім …
