Смяротнасць ад пажараў вырасла ў гадавым вымярэнні на 7,4%

29 снежня, Позірк. Два чалавекі загінулі на пажарах у Беларусі за мінулыя дзяжурныя суткі (з 6:00 28 снежня да 6:00 29 снежня), вынікае з аператыўнай зводкі Міністэрства па надзвычайных сітуацыях.

Гібель людзей зафіксаваная ў аграгарадку Баравікі Светлагорскага раёна (Гомельская вобласць), дзе ў жылым доме знойдзеныя целы мужчыны 1978 года нараджэння і жанчыны 1969 г.н.

Прычыны пажару і гібелі высвятляюцца, гаворыцца ў зводцы.

З пачатку года ў Беларусі адбылося 6.177 пажараў (5.701 за аналагічны перыяд 2023 года; +8,35%). Загінула 555 чалавек (517; +7,35%), у тым ліку 11 дзяцей (9; +22,22%); траўмавана — 604 (533; +13,32%).