Курсы долара і юаня выраслі перад выходнымі

17 студзеня, Позірк. Амерыканская і кітайская валюты падаражэлі на таргах Беларускай валютна-фондавай біржы 17 студзеня 2025 года.

Каціроўка долара вырасла да 3,4751 рубля (+0,0033; +0,1%), юаня — да 4,7448 за 10 (+0,0096; +0,2%).

Еўра патаннеў да 3,5802 рубля (-0,008; -0,22%), расійскі рубель — да 3,3667 за 100 (-0,0158; -0,47%).

На адыходзячым працоўным тыдні (13–17 студзеня) долар падаражэў на 0,09% (з 3,4719 да 3,4751 рубля), юань — на 0,6% (з 4,742 да 4,7448 за 10); еўра патаннеў на 0,52% (з 3,5989 да 3,5802), расійскі рубель — на 1,14% (з 3,4055 да 3,3667 за 100).

На 9,32% (з 3,1775 да 3,4735 рублі) вырас афіцыйны курс долара ў Беларусі ў 2024 годзе. Гэта чацвёрты паказчык на тэрыторыі былога СССР, сведчыць праведзены “Позіркам” параўнальны аналіз каціровак цэнтрабанкаў на 31 снежня 2023 года і 31 снежня 2024-га.

У 2023 годзе ў Беларусі было другое месца па росце афіцыйнага курсу долара (+16,12%), у 2022-м — трэцяе (+7,39%), у 2021-м — чацвёртае сярод краін на тэрыторыі былога СССР, дзе долар патаннеў (-1,19%), у 2020-м — першае месца паводле яго падаражэння (+22,59%).