Ціханоўская і Латушка возьмуць удзел у цырымоніі з нагоды 80-годдзя вызвалення Асвенцыма
27 студзеня, Позірк. Старшыня Аб’яднанага пераходнага кабінета (АПК) Святлана Ціханоўская і яе намеснік Павел Латушка возьмуць удзел у памятнай цырымоніі, прысвечанай 80-й гадавіне вызвалення нацысцкага канцэнтрацыйнага лагера ў Асвенцыме (нямецкая назва Аўшвіц-Біркенаў), якая адбудзецца 27 студзеня ў мемарыяльным комплексе на тэрыторыі згаданага лагера ў Польшчы ў 16.00 па мясцовым часе.
Як паведаміў “Позірку” галоўны дарадца Ціханоўскай Франак Вячорка, у цырымоніі возьмуць удзел больш за 80 дэлегацый, у тым ліку кіраўнікі дзяржаў, парламентаў і ўрадаў, міністры і члены каралеўскіх сем’яў з розных краін.
Чакаецца прыезд прэзідэнтаў Аўстрыі, Балгарыі, Босніі і Герцагавіны, Венгрыі, Германіі, Італіі, Косава, Латвіі, Мальты, Малдовы, Польшчы, Паўночнай Македоніі, Славакіі, Славеніі, Чарнагорыі, Украіны, Фінляндыі, Францыі, Чэхіі, Швейцарыі і Эстоніі; прэм’ер-міністраў Бельгіі, Ірландыі, Люксембурга, Польшчы, Нідэрландаў, Харватыі, Швецыі; кіраўнікоў парламентаў Латвіі і Швецыі; каралёў Бельгіі, Вялікабрытаніі, Даніі, Іспаніі, Нідэрландаў; вялікага герцага Люксембурга, кронпрынцэсы Швецыі і інш.
Акрамя гэтага, паводле слоў Вячоркі, у Асвенцым прыбудуць прадстаўнікі Савета Еўропы, ЕС, Еўрапарламента, НАТО, ААН, ЮНЕСКА.
Удзел беларускіх афіцыйных асоб у цырымоніі не прадугледжаны.
Згодна з рэзалюцыяй Генеральнай Асамблеі ААН № A/RES/60 / 7, прынятай 1 лістапада 2005 года, 27 студзеня, у дзень вызвалення лагера ў Асвенцыме, ва ўсім свеце адзначаецца Міжнародны дзень памяці ахвяр Халакосту.
Расійская агрэсія ва Украіне і яе падтрымка з боку Мінска стала прычынай, па якой афіцыйных прадстаўнікоў дзвюх краін перасталі запрашаць на знакавыя міжнародныя мерапрыемствы, у тым ліку звязаныя з памяццю аб Другой сусветнай вайне. У 2022, 2023 і 2024 гадах Японія адмовіла ім ва ўдзеле ў цырымоніі памяці ахвяр атамных бамбардзіровак Хірасімы і Нагасакі, у верасні 2023-га Нобелеўскі камітэт адклікаў запрашэнне на ўручэнне прэміі.
Адсутнічалі дэлегацыі Беларусі і РФ на цырымоніі да гадавіны вызвалення нацысцкіх канцлагераў Бухенвальд і Мітэльбау-Дора (Германія), Асвенцым.
У 2022 годзе запрашэнне расійскай і беларускай афіцыйных дэлегацый наведаць цырымонію з нагоды 77-й гадавіны вызвалення Бухенвальда і яго філіяла Мітэльбау-Дора было адпраўлена, але адклікана. Прычынай стала гібель 96-гадовага Барыса Раманчанкі, аднаго з былых вязняў лагера, у Харкаве пасля абстрэлу расійскімі войскамі 18 сакавіка.
У цырымоніі ад Беларусі ўзялі ўдзел прадстаўнікі дэмакратычных сіл: лідар Народнага антыкрызіснага ўпраўлення Павел Латушка і сябра “Народнай амбасады Беларусі” ў Германіі Міхаіл Таўбэ.
Перад цырымоніяй ускладання кветак і вянкоў 10 красавіка 2022 года чырвона-зялёны дзяржаўны сцяг Беларусі быў заменены на бел-чырвона-белы. Генеральная пракуратура 11 красавіка паведаміла аб узбуджэнні крымінальнай справы па факце “распальвання нацыянальнай варожасці” (ч. 2 арт. 130 КК). Паводле яе матэрыялаў, “неўстаноўленая асоба 10 красавіка 2022 года публічна зняла дзяржаўны сцяг Рэспублікі Беларусь, усталяваны на тэрыторыі мемарыяльнага комплексу на месцы канцлагера” Бухенвальд”(Федэратыўная Рэспубліка Германія), усталяваўшы замест яго бел-чырвона-белае палатно”.
19 красавіка 2022 года Аўстрыйскае агенцтва друку паведаміла, што афіцыйныя дэлегацыі з Беларусі і Расіі не запрасілі на цырымонію гадавіны вызвалення канцлагера Маўтхаўзен. “Удзел абедзвюх краін быў бы несумяшчальны з клятвай вязняў Маўтхаўзена, якія выжылі, і іх імкненнем да міру і свабоды”, — адзначыў старшыня ўвекавечання памяці ахвяр нацызму Маўтхаўзенскага камітэта Аўстрыі Вілі Мерні.
Ад Беларусі ў цырымоніі прынялі ўдзел Латушка, прадстаўнікі “народных амбасадаў” у Аўстрыі і Славеніі і члены Нацыянальнай дыяспары.
Не былі запрошаныя ў Маўтхаўзен дэлегацыі Беларусі і РФ таксама ў 2023 і 2024 гадах.
ПП НС "глыбока абураная" незапрашэннем беларускай дэлегацыі на гадавіну вызвалення арміяй ЗША канцлагера Маўтхаўзен
26 красавіка, Позірк. Палата прадстаўнікоў Нацыянальнага сходу (ПП НС) "глыбока абураная незапрашэннем афіцыйных прадстаўнікоў Рэспублікі Беларусь на памятныя мерапрыемствы з нагоды гадавіны вызвалення канцлагера Маўтхаўзен" у Аўстрыі. З такой заявай 26 красавіка выступіла пастаянная камісія ніжняй палаты парламента па міжнародных …