Тры чалавекі загінулі ў ДТЗ у Смалявіцкім раёне пад Мінскам

23 лютага, Позірк. Тры чалавекі загінулі ў дарожна-транспартным здарэнні ў Смалявіцкім раёне (Мінская вобласць) 23 лютага, паведамляе прэс-служба МУС.

Каля 17:35 у вёсцы Будагова 40-гадовы мясцовы жыхар, кіруючы легкавым аўтамабілем Volkswagen, паводле першапачатковага рэлізу, “на закругленні дарогі няправільна абраў хуткасць руху і не справіўся з кіраваннем”: “Аўтамабіль з’ехаў у правы па ходзе руху кювет, дзе здзейсніўся наезд на”.

Кіроўца і два пасажыры загінулі. Імі аказаліся 46-гадовая жонка вадзіцеля і іх агульная знаёмая, 54-гадовая жыхарка Жодзіна Мінскай вобласці.

Удакладняецца, што на задняй восі аўто былі ўсталяваныя летнія шыны, адсутнічаў допуск да ўдзелу ў дарожным руху.

На месцы ДТЗ працуе следча-аператыўная група.