Латушка: ЗША больш не з’яўляюцца лідарам вольнага свету
3 сакавіка, Позірк. Злучаныя Штаты Амерыкі “застаюцца моцнай дзяржавай, магутнай краінай”, аднак яны “перасталі быць лідэрам свабоднага свету”, заявіў на сваім ютуб-канале кіраўнік Народнага антыкрызіснага ўпраўлення (НАУ) Павел Латушка, каментуючы перамовы прэзідэнтаў ЗША Дональда Трампа і Украіны Уладзіміра Зялонскага, якія адбыліся 28.
“Гэта фіяска не Зяленскага — тое, што адбылося ў Авальным кабінеце. А гэта фіяска амерыканскай дыпламатыі”, — лічыць палітык.
“Большасць лідараў, палітыкаў, еўрапейскіх дэмакратый ⟨…⟩, дэмакратычных дзяржаў ва ўсім свеце ўсвядомілі пасля гэтай гутаркі ⟨…⟩, што ЗША больш не з’яўляюцца лідэрам свабоднага свету”, — сказаў экс-дыпламат.
На яго думку, сустрэча паказала, што “каштоўнасныя арыенціры становяцца другаснымі, калі ў прынцыпе не знікаюць са стала перагавораў”: “Галоўнае становіцца — любой цаной падпісаць пагадненне, уступіўшы каштоўнасці, пагадзіўшыся з парушэннем міжнароднага права, змяніўшы ацэнку агрэсара як роўны бок у гэтай вайне”.
Таксама, лічыць Латушка, “усе зразумелі, што слабых ЗША могуць і кінуць у складаны момант”: “Будапешцкі мемарандум ⟨…⟩ — Украіна адмаўляецца ад ядзернай зброі. Дзе гэтыя гарантыі?”
Раней кіраўнік НАУ заявіў, што на перамовах з Трампам Зяленскі паводзіў сябе карэктна і годна.
Публічная пікіроўка прэзідэнтаў Украіны і ЗША, а таксама віцэ-прэзідэнта Джэймса Дэвіда (Джэй Дзі) Вэнса адбылася ў мінулую пятніцу ў Вашынгтоне.
Бакі мелі намер падпісаць амерыкана-ўкраінскую дамову аб карысных выкапняў.
Сустрэча на павышаных танах завяршылася датэрмінова, пагадненне не было падпісана, украінскі прэзідэнт пакінуў Белы дом.
Неўзабаве пасля гэтага Трамп заявіў, што Зяленскі нібыта “праявіў непавагу да Злучаных Штатаў”, але можа вярнуцца, “калі будзе гатовы да міру”. Вэнс запатрабаваў ад украінскага лідэра выбачэнняў.
Зяленскі ў сваю чаргу заявіў, што не зрабіў нічога дрэннага, за што яму трэба было б прасіць прабачэння, а таксама выступіў за падпісанне пагаднення.
Многія лідары еўрапейскіх дзяржаў падтрымалі прэзідэнта Украіны.
Ціханоўская: Беларусы падтрымліваюць Украіну
1 сакавіка, Позірк. Свабоду заўсёды трэба абараняць — "у Беларусі, Украіне і паўсюль, дзе яна пад пагрозай", заявіла 1 сакавіка беларускі дэмакратычны лідар Святлана Ціханоўская. "Вайна Расіі супраць Украіны — гэта вайна супраць самой свабоды. Гэта вайна супраць каштоўнасцяў, якія аб'ядноўваюць усіх …