Колькасць спраў аб банкруцтве павялічылася ў гадавым вымярэнні на 40%

13 сакавіка, Позірк. На 1 сакавіка ў судах знаходзілася 336 спраў аб эканамічнай неплацежаздольнасці (банкруцтве), вынікае з інфармацыі Вярхоўнага суда.

Для параўнання: на 1 лютага ў судах была 381 такая справа, 1 студзеня — 378, 1 снежня 2024 года — 363, 1 сакавіка 2024-га — 240. Такім чынам, за месяц іх колькасць зменшылася на 11,81%, але ў гадавым вымярэнні павялічылася на 40%.

Банкруцтвы арганізацый прыватнай формы ўласнасці тычыліся 329 спраў (месяцам раней 373), горадаўтваральных і бюджэтаўтваральных дзяржаўных арганізацый — 24 (25).

У лютым вынесена рашэнне пра прызнанне банкрутам і адкрыццё ліквідацыйнай вытворчасці адносна ААТ “Магілёўхлебапрадукт” — кіроўная кампанія холдынгу “Магілёўхлебапрадукт”.