МНС аб’явіла аранжавы ўзровень небяспекі ў паўднёва-ўсходніх рэгіёнах 1 красавіка
31 сакавіка, Позірк. Днём 1 красавіка па паўднёвым усходзе Беларусі чакаюцца моцныя дажджы, паведаміла 31 сакавіка Міністэрства па надзвычайных сітуацыях.
Ведамства тлумачыць, што пад моцным дажджом маецца на ўвазе “неспрыяльная гідраметэаралагічная з’ява, пры якой значэнне колькасці атмасферных ападкаў складае 15–49 мм за перыяд не больш за 12 гадзін”.
У якасці “фактараў небяспекі” пры такой з’яве МНС называе “перабоі і / або адключэнне энергазабеспячэння; значнае зніжэнне бачнасці і цяжкасць руху транспарту аж да яго поўнага прыпынку; блакіраванне людзей у сутарэнных і заглыбленых памяшканнях, у грамадскім і асабістым транспарце; пашкоджанне ліній электраперадачы; сельгасугоддзяў, аўтадарог мясцовага значэння“.
Міністэрства дало рэкамендацыі насельніцтву рэгіёну, а таксама вадзіцелям, якіх дождж можа заспець за рулём аўтамабіляў. Узровень небяспекі ў Гомельскай вобласці ацэньваецца як аранжавы, Магілёўскай — жоўты.
На працягу сутак з-за ветру парушалася энергазабеспячэнне больш за 200 населеных пунктаў
25 сакавіка, Позірк. За суткі з 6 раніцы 24 сакавіка да 6 раніцы 25 сакавіка з-за моцнага ветру парывамі да 22 м/с пацярпелі шасці населеных пунктаў у Горацкім і Мсціслаўскім раёнах Магілёўскай вобласці, вынікае з інфармацыі МНС. Пашкоджаны дахі трох …
