Афіцыйны курс долара ў Беларусі за першы квартал 2025 года знізіўся на 10,25% — другое месца на тэрыторыі былога СССР
1 красавіка, Позірк. На 10,25% (з 3,4735 да 3,1176 рубля) знізіўся афіцыйны курс долара ЗША ў Беларусі за першы квартал гэтага года. Гэта другі паказчык на тэрыторыі былога СССР, сведчыць праведзены “Позіркам” параўнальны аналіз каціровак цэнтрабанкаў на 31 снежня 2024 года і 31 сакавіка 2025-га (па выніках студзеня і студзеня — лютага таксама другое месца, -1,73% і -8,54% адпаведна).
На першым месцы Расія, дзе долар за тры месяцы афіцыйна патаннеў на 17,70% (са 101,6797 да 83,6813 рубля).
Па выніках першага квартала 2025 года долар не падаражэў нідзе на тэрыторыі былога СССР.