Генеральнае консульства РФ у Гродне пераехала ў будынак, канфіскаваны ў ліквідаванай польскай арганізацыі

4 красавіка, Позірк. Генеральнае консульства Расіі ў Гродне адкрылася па новым адрасе: вул. Гараднічанская, 40, паведамляе тэлеграм-канал Гродзенскага аблвыканкама.

Яго старшыня Юрый Караеў на цырымоніі адкрыцця, якая адбылася напярэдадні, заявіў, што за два гады існавання ў горадзе консульства дало новы імпульс развіццю “шматбаковага супрацоўніцтва і паглыбленню эканамічнай інтэграцыі” Беларусі і Расіі.

У рэлізе гаворыцца, што дыпаб’ект размешчаны “ў зручнейшым для наведвальнікаў месцы, чым папярэдняе памяшканне <…> па вуліцы Цагляная, 2/2”.

Амбасадар РФ Барыс Грызлоў пасля цырымоніі “згадаў шэраг гістарычных момантаў”.

“Справа ў тым, што мы адкрылі Генеральнае консульства 28 снежня 2022 года на вуліцы Цаглянай, але да бягучага года ў нас не было праваўстанаўліваючых дакументаў для таго, каб мы маглі пачаць рамантаваць гэты будынак і аказваць усе неабходныя консульскія паслугі, — цытуе яго прэс-служба амбасады. — Таму мы знайшлі месца ў тым горадзе, які быў выбраны менавіта ў цэнтры горада”. забяспечваць грамадзян консульскімі паслугамі ў поўным аб’ёме“.

Паводле яго сцвярджэння, будынку “неабходны перыметр, павінны быць выкананы тэхнічныя патрабаванні для наладкі камп’ютарных сістэм”.

У Гродзенскай вобласці пастаянна жыве больш за 10 тыс. грамадзян Расіі, сказаў ён.

Раней па новым адрасе консульства размяшчалася грамадская арганізацыя польскай меншасці “Польска Мацеж школьна” (“Polska Macierz Szkolna”). Арганізацыю ліквідавалі ў 2022 годзе, пабудаваны ў 2011 годзе будынак быў канфіскаваны і выстаўлены на аўкцыён.

Арганізацыя працавала з 1995 года. Пры ёй функцыянавалі грамадскі ліцэй імя Элізы Ажэшкі, бібліятэка, універсітэт трэцяга ўзросту, жаночы клуб “Граднянка”.

Рэпрэсіі ў дачыненні да польскай меншасці ў Беларусі ўзмацніліся пасля 2020 года.