У 2024 годзе ў Беларусі было прададзена ў 2,3 раза больш легкавых аўто, чым у 2023-м — БАА
15 красавіка, Позірк. У 2024 годзе ў Беларусі ўдзельнікі Беларускай аўтамабільнай асацыяцыі (БАА) рэалізавалі 49.626 новых легкавых аўтамабіляў — у 2,28 раза больш, чым у 2023-м (21.761), паведаміў на прэс-канферэнцыі 15 красавіка ў Мінску дырэктар УП “БАА-Кансалт” Дзмітрый Ярота.
Паводле слоў спікера, у 2019-м было прададзена 60.216, 2020-м — 46.098, 2021-м — 41.217, 2022-м — 14.843.
Летась на рынку было прадстаўлена 100 мадэляў легкавых аўто, што на 28,2% больш, чым у 2023-м.
Зрэшты, адзначыў Ярота, “да 2022 года яшчэ далёка”. Тады, паводле слоў эксперта, на рынку было 142 мадэлі.